بھارت : جھڑپوں میں 6پولیس اہلکاروں سمیت 7افراد ہلاک

غیر ملکی خبر رساں ادارے کے مطابق  زخمی ہونیوالوں میں تقریباً 60پولیس اہلکار بھی شامل تھے۔جھڑپیں بھارتی ریاست آسام اور میزورم  کی سرحدی پٹی پر ہوئیں ہیں ۔دونوں ریاستوں کے حکام ایک دوسرے کو جھڑپوں کا ذمہ دار قراردے رہے ہیں ۔

 آسام کے چیف منسٹر کا کہناہےکہ میزورم میں شرپسندوں نے فائر کھولا۔جس کے سبب جھڑپیں شروع ہوئیں۔سکیورٹی اہلکار اپنی آئینی سرحد کی حفاظت کرتے ہوئے مارے گئے۔بھارتی ریاست آسام کے چیف منسٹرنے اسپتال کا دورہ بھی کیا اور زخمی اہلکاروں کی عیادت کی۔مرنیوالے پولیس اہلکاروں کی یاد میں پھولوں کے گلدستے بھی رکھے گئے۔

دوسری جانب  میزورم  کے ہوم منسٹر نے آسام کے پولیس اہلکاروں پرسرحدی خلاف ورزی  کا الزام لگایاہے۔