پی ٹی آئی مستقبل میں سندھ میں بھی حکومت بنائےگی : شیخ رشید

تفصیلات کے مطابق میڈیا سے گفتگو کرتے ہوئے وفاقی وزیر داخلہ کا کہنا تھا کہ بہت پہلے کہا تھا کہ کشمیر الیکشن میں  پیپلزپارٹی دوسرے اور ن لیگ تیسرے نمبر پر ہو گی ۔

وزیراعظم پاکستان کو پتہ ہے آزاد کشمیر میں وزیراعظم کون ہو گا، ہم گھبرانے والے لوگ نہیں، پی ٹی آئی بہتر پوزیشن میں ہے، پاکستان میں جنرل الیکشن اپنےوقت پر ہی ہونگے ۔

شیخ رشید کا کہنا تھا کہ نور مقدم کیس کے ملزموں کو نہیں چھوڑیں گے، میرا بس چلے تو ملزموں کو گولی ماردوں،

انہوں نے کہا کہ افغان سفیرکی بیٹی کے معاملے میں آئی جی کو کہہ کر ٹیکسی ڈرائیورکو رہا کروایا،ٹیکسی ڈرائیور بالکل بے گناہ ہے،افغان سفیر کی بیٹی نے چاروں ڈرائیورزکو گاڑی کا کرایہ اورٹپ دی تھی ۔

شیخ رشید کا کہنا تھاکہ سندھ میں لاک ڈاؤن سےسندھ حکومت اپنانقصان کرےگی،ساری دنیا نے وزیراعظم عمران خان کے اسمارٹ لاک ڈاؤن کی پالیسی کوسراہا، لاک ڈاؤن سے زیادہ ضرورت اس بات کی ہے احتیاطی تدابیر پرعمل کریں ۔

وفاقی وزیر داخلہ کا مزید کہنا تھا پاک چین تعلقات ہمالیہ سے بلند ہیں، دنیا کی کوئی طاقت ہمارے خراب نہیں کر سکتی ، پوری قوم چین پر اعتبار کرتی ہے ۔