اسنیپ چیٹ کی ٹوٹی ہوئی 'اسٹریکس' کو کیسے ریکور کیا جا سکتا ہے ؟

اسٹریکس کسی سلسلے کو جاری رکھنے کو کہا جاتا ہے اور اسنیپ چیٹ پر اسٹریکس نامی منفرد قسم کی سرگرمی صارفین کی توجہ کا مرکز ہے جس کے تحت دو صارفین کو آپس میں 24 گھنٹے کے دوران کسی تصویر یا ویڈیو کا تبادلہ کرنا ہوتا ہے جس سے اسٹریک برقرار رہتی ہے۔

اسٹریک کے نمبر دوستوں کے نام کے آگے لکھے دکھائی دیتے ہیں۔

تاہم اسنیپ چیٹ کے صارفین لمبی چلنے والی اسٹریک کے ٹوٹ جانے پر اکثر افسردہ ہوجاتے ہیں، آج ہم آپ کو ٹوٹی ہوئی اسٹریک کو واپس اسی نمبر سے شروع کرنے کا طریقہ بتائیں گے۔

طریقہ کار:

گوگل سرچ بار میں جاکر support.snapchat.com لکھیں اور اس ویب سائٹ کو کھول لیں۔

اب آپ کے پاس تصویر میں دکھائی جانیوالی (بائیں ہاتھ کی جانب سے پہلی تصویر) اسکرین نمودار ہوگی، اس میں Contact us کا آپشن منتخب کرلیں۔ 

اس کے بعد تیسرے آپشن کا انتخاب کریں، اب ایک چھوٹا سا فارم دیا جائے گا جسے فِل کرنا ہوگا،  اسے فِل کرنے کے محض کچھ دیر بعد ہی آپ کی ٹوٹی ہوئی اسٹریکس بغیر کسی نقصان کے دوبارہ سے شروع ہوجائیں گی۔