کے پی ایل معاملہ آئی سی سی کے فورم پر اٹھائیں گے: پی سی بی

تفصیلات کے مطابق پی سی بی حکام کا کہنا ہے کہ بی سی سی آئی نے ایک بار پھر نہ صرف آئی سی سی ممبران کے اندرونی معاملات میں مداخلت کی ہے بلکہ بی سی سی آئی کے رویے سے جنٹلمین کھیل کے اسپرٹ کو نقصان پہنچا ہے۔

 پاکستان کرکٹ بورڈ کا کہنا ہے کہ  بی سی سی آئی نے آئی سی سی کے متعدد ممبران کو وارننگ جاری کرتے ہوئے ان کے ریٹائرڈکرکٹرز کو کشمیر پریمیئر لیگ میں شرکت سے روک کر کھیل کو بدنام کیا ہے ۔

پی سی بی اس معاملے کو آئی سی سی کے مناسب فورم پر اٹھائے گا بلکہ آئی سی سی چارٹر کے مطابق مزید کارروائی کا حق بھی محفوظ رکھتا ہے۔

خیال رہے کہ بی سی سی آئی نے کشمیر پریمئر لیگ میں شرکت کرنے والوں  کو دھمکی دی ہےکہ انہیں کرکٹ سے متعلق کام کے لیے بھارت میں داخلے کی اجازت نہیں ہوگی۔