چین سے سائنوفام کورونا ویکسین کی ایک اورکھیپ پاکستان پہنچ گئی

زرائع کے مطابق چین سے7 لاکھ 92 ہزارسائنوفام خوراکیں اسلام آباد لائی گئی ہیں،پاکستان نے سائنوفام ویکسین کی چینی کمپنی سے خریداری کی ہے،چین سے سائنوفام کی دو کھیپ آئندہ 36 گھنٹے میں لائی جائیں گی، جبکہ دو کھیپ میں چین سے سائنوفام کی 12 لاکھ 8 ہزار خوراکیں لائی جائیں گی ۔ زرائع کے مطابق چین سے لائی گئی ویکسین فیڈرل ای پی آئی کے مرکزی ویئرہاوس منتقل کر دی گئیں ،سائنوفام ویکسین صوبوں کوحسب ضرورت فراہم کی جائے گی۔

یاد رہے کہ چین تاحال پاکستان کو 17 لاکھ 20 ہزار ویکسین ڈوز تحفہ دے چکا ہے۔

خیال رہے ملک میں40 سال سے زائد عمر افراد کی ویکسینیشن کا آغاز3 مئی سےہوا تھا ۔ملک بھر  میں کو رونا وائرس کے خلاف ویکسین لگوانے والے افراد کی تعداد تین کروڑ سے تجاوز کرگئی ہے۔

واضح رہے کہ نیشنل کمانڈ اینڈ آپریشن سینٹر کی جانب سے جاری کیے گئے تازہ اعداد و شمارکے مطابق  ملک میں گزشتہ 24 گھنٹوں میں کورونا سے مزید95فراد چل بسے ۔ ملک میں  اموات کی مجموعی تعداد23 ہزار797ہوگئی ہے،جبکہ  متاثرہ افراد کی مجموعی تعداد 10لاکھ63ہزار125ہوگئی ہے ۔