وزیراعلیٰ پنجاب عثمان بزدارکی زیر صدارت ایپکس کمیٹی کا اجلاس

تفصیلات کے مطابق صوبائی وزیر قانون پنجاب راجہ بشارت، چیف سیکرٹری جواد رفیق ملک،آئی جی پنجاب انعام غنی بھی اجلاس میں شریک،اجلاس میں  صوبے کی سیکیورٹی اورکورونا کی خطرناک لہر کا پھیلاؤ روکنے کے لئے اقدامات اور صوبے کے سیکیورٹی سے متعلق معاملات پر تفصیلی جائزہ لیا گیا ہے ۔

اجلاس میں اسد کھوکھر کے بھائی مبشر کھوکھر کے قتل کی بھی مذمت کی گئی ، سکیورٹی ناقص ہونے پر سخت برہمی کااظہارکیا گیا، اجلاس میں صوبے کی سکیورٹی سے متعلق از سر نو حکمت عملی مرتب کرنےکا فیصلہ بھی کیا گیا ہے ۔

اجلاس میں کورونا کے مریضوں کی تعداد اوراین سی او سی کی جانب سے کئے گئے فیصلوں پر عملدآمد کا جائزہ لیا گیااورصوبے کی سیاسی وعسکری قیادت نےکوروناکی خطرناک لہر سے نمٹنے کیلئے مؤثراقدامات اٹھانے کا فیصلہ بھی کیا ہے ۔

سیاسی و عسکری قیادت کا کورونا پر قابو پانے کیلئے پہلے سے جاری مشترکہ کاوشیں جاری رکھنے پر اتفاق اورکورونا سےمتعلق مستقبل کی صورتحال کو مدنظر رکھ کرپیشگی ضروری پلاننگ کرنے پراتفاق کیا گیا ہے ۔

وزیر اعلی پنجاب عثمان بزدار نے کہا کہ زمینی صورتحال کا جائزہ لے کرعوام کی زندگیاں محفوظ کرنے کیلئے مزید اقدامات جاری رکھیں گے،عوام کو موجودہ حالات میں ذمہ داری کا ثبوت دینا ہو گا،جتنی احتیاط کریں گے شہری اتنا ہی محفوظ رہیں گے-

وزیر اعلی پنجاب نے کہا کہ شہریوں کی زندگیوں کے تحفظ کیلئے پہلے سے زیادہ محنت سے کام کریں گے ،پاک فوج نے ہمیشہ مشکل وقت میں قوم کا بھرپور ساتھ دیا ہے،ان کے تعاون سے مثبت نتائج سامنے آئے،کورونا وباء سے نمٹنے کیلئے بھرپور تعاون پرعسکری قیادت کا شکریہ ادا کرتے ہیں۔