گلوکار ہنی سنگھ نے اہلیہ کے الزامات کا جواب دے دیا

گلوکارہنی سنگھ نے تمام الزامات کو ناگوار قرار دیتے ہوئے کہا ہے کہ شالینی کی طرف سے مجھ سمیت میری فیملی پر لگائے جانیوالے جھوٹے الزامات کے بعد سخت تکلیف میں ہوں، ماضی میں میرے گانوں پر تنقید، میری صحت کے حوالے سے قیاس آرائیاں کی گئیں جن سے متعلق کبھی اس طرح بیان جاری نہیں کیا۔

گلوکار کا کہنا ہے کہ اس معاملے پر خاموش رہنا بہتر نہیں کیونکہ میرے بوڑھے ماں باپ اور چھوٹی بہن پر الزامات عائد کیے جارہے ہیں جو ہر مشکل وقت میں میرے ساتھ کھڑے تھے، یہ الزامات محض مجھے بدنام کرنے کیلئے ہیں۔

انہوں نے اہلیہ کے ساتھ اپنے رشتے کی وضاحت دیتے ہوئے کہا کہ میں 15 سال سے انڈسٹری سے وابستہ ہوں اور ملک بھر کے فنکاروں اور موسیقاروں کے ساتھ کام کیا، ہر کوئی میری اہلیہ کے ساتھ میرے تعلقات سے آگاہ ہے۔

ان کا مزید کہا ہے کہ اہلیہ ایک دہائی سے زیادہ عرصے سے میری شوٹنگ، ایونٹس اور کام کے سلسلے میں کی جانیوالی ملاقاتوں میں میرے ساتھ ہوتی تھیں۔