دانیال راحیل اور میرے درمیان علیحدگی ہوگئی ہے : فریال محمود

تفصیلات کے مطابق اداکارہ نے ایک ٹی وی شو میں شرکت کی جہاں میزبان نے فریال سے ان کی ذاتی زندگی کے بارے میں پوچھا تو اداکارہ نے جواب دیتے ہوئے کہاکہ میں اب سنگل ہوں لیکن یہ بات کسی کو نہیں بتانا چاہتی کیونکہ یہ میرا ذاتی مسئلہ ہے۔

اداکارہ نے کہا کہ اگر میں چاہوں گی تب ہی لوگوں کو پتہ چلے گا، مجھے نہیں لگتا کہ لوگوں کو خود سے متعلق سب کچھ بتانا چاہیے۔

خیال رہے فریال محمود کی شادی اداکار دانیال راحیل سے مئی 2020 میں ہوئی تھی جب کہ گزشتہ برس دسمبر میں سوشل میڈیا پیجز پر یہ دعویٰ کیا جا رہا تھا کہ دونوں میں علیحدگی ہوگئی ہے۔