سندھ حکومت نے کورونا ایس اوپیز سے متعلق نیا حکم نامہ جاری کردیا

تفصیلات کے مطابق سندھ حکومت نے  کورونا ایس اوپیز سے متعلق نیا حکم نامہ جاری کردیا ہے،ہوٹلز ریسٹورینٹس میں آنے والے صارفین کے لئے کورونا ویکسینیشن سرٹیفکیٹ ساتھ رکھنا لازمی قرار دے دیا گیا،ہوٹلز ریسٹورینٹس میں ڈائن ان سروس کے دوران کسی بھی وقت انسپیکشن کیاجاسکےگا۔ہوٹلز ریسٹورینٹس میں آوٹ ڈور ڈائننگ کرنے والے افراد کو کورونا ویکسین سرٹیفکیٹ دکھانا ہوگا۔ ہوٹلز ریسٹورینٹس ڈرائیو تھرو سروس کرسکیں گے ۔

محکمہ داخلہ سندھ نے ٹرینوں میں سفر کے لئے ویکسینیشن سرٹیفکیٹ لازمی قراردیدیا ہے،یکم اکتوبر سے ٹرینوں میں سفر کورونا ویکسین سرٹیفکیٹ سے مشروط ہوگا۔

نیشنل کمانڈ اینڈ آپریشن سینٹر کی جانب سے جاری کیے گئے تازہ اعداد و شمارکے مطابق  ملک میں گزشتہ 24 گھنٹوں میں کورونا سے مزید53فراد چل بسے  ہیں ۔ ملک میں  اموات کی مجموعی تعداد23 ہزار918ہوگئی ہے،جبکہ  متاثرہ افراد کی مجموعی تعداد 10لاکھ71ہزار620ہوگئی ہے ۔