انخلاء کی تاریخ میں توسیع نہیں ہوگی ، طالبان ترجمان ذبیح اللہ مجاہد

طالبان ترجمان ذبیح اللہ مجاہدنے میڈیا بریفنگ  دیے ہوئے کہا ہے کہ افغانستان میں بینک کل سے کھل جائیں گے، 80فیصد یقین ہے کہ صوبہ  پنج شیر میں لڑائی نہیں ہوگی، پنج شیر کے مسئلے کو مذاکرات کے زریعےحل کرنے کیلئے کوششیں جاری ہیں۔امریکہ افغان اشرافیہ کی ملک چھوڑنے کیلئے حوصلہ افزائی نہ کرے،نیشنل ریڈیو ٹیلی وژن سمیت دیگر میڈیا اداروں نے بغیرہچکچاہٹ کے کام شروع کردیاہے، خواتین کے کام پر جانے کے طریقہ کار پر کام جاری ہے ، مسئلہ جلد حل ہو جائے گا۔

طالبان ترجمان ذبیح اللہ مجاہد  نے کہا کہ  اب کسی بھی افغان شہری کو کابل ایئرپورٹ کی طرف جانے کی اجازت نہیں دی جائے گی، ایئرپورٹ پر موجود مجمع بھی گھر جائے ان کی سکیورٹی یقینی بنائی جائے گی، امریکا افغان شہریوں کو  مسلسل ایئرپورٹ بلا  رہا ہے،   امریکا نقل مکانی کی حوصلہ افزائی نہ کرے۔

ذبیح اللہ مجاہد کا کہنا تھا کہ   انخلاء کی تاریخ میں توسیع نہیں ہوگی، غیرملکی انخلاء  31اگست تک  مکمل کیاجائے، انخلاء کی تاریخ میں توسیع پر اتفاق نہیں ہوا،ماضی کی تمام باتیں بھلا چکے ہیں،بدلے کیلئے کسی کوئی فہرست تیار نہیں کی گئی، غیرملکی سفارتخانے بندنہیں چاہتے،انہیں سکیورٹی کی یقین دہانی کرواچکے ہیں۔اپنی سرزمین کسی ملک کیخلاف استعمال ہونے کی اجازت نہیں دیں گے۔طالبان ترجمان نے ملاء برادر کی سی آئی اےچیف سے ملاقات کے معاملے پر لاعلمی کا اظہارکردیا۔