عالمی بینک کا افغانستان کیلئے امداد بند کرنے کا اعلان

عالمی بینک کے مطابق طالبان کے کنٹرول کے بعد افغانستان کی صورتحال  انتہائی تشویش ناک ہے، صورتحال کا بغور جائزہ لے رہے ہیں۔ افغانستان میں ورلڈ بینک کے دو درجن سے زائد ترقیاتی منصوبے جاری ہیں۔خبر ایجنسی کے مطابق 2002 کے بعد سے  عالمی بینک افغانستان کو 5.3 ارب ڈالر دے چکا ہے جس میں زیادہ تر امداد شامل ہے۔

یہ اقدام بین الاقوامی مالیاتی فنڈ (آئی ایم ایف) کی جانب سے افغانستان کو ادائیگیاں معطل کرنے کے چند روز بعد سامنے آیا ہے۔ امریکی صدر بائیڈن کی انتظامیہ کی جانب سے بھی افغانستان کے مرکزی بینک کے اثاثے منجمد کر دیے گئے ہیں جو امریکہ میں موجود ہیں۔

عالمی بینک کی جانب سے افغانستان کو ادائیگیاں معطل کرنے کا یہ  فیصلہ طالبان کی نئی حکومت کے لیے مالی دھچکا  ثابت ہوگا۔