روسی صدر اور چینی ہم منصب میں ٹیلی فونک رابطہ، افغانستان کی خودمختاری کا احترام کرنے پر اتفاق

غیر ملکی خبر رساں ادارے کے مطابق  روسی صدرولادیمیرپیوٹن نے  چینی ہم منصب شی جن پنگ سے ٹیلی فونک رابطہ کیا ہے، افغانستان سے دہشتگردی کے خدشات اور منشیات اسمگلنگ کی روک تھام کیلئے اقدامات اٹھانے پر اتفاق کیا گیا، دونوں ممالک کے سربراہان کا افغانستان کی خودمختاری اوراستحکام کا احترام کرنے پراتفاق ہوا ہے۔

روسی صدر ولاد یمیر پیوٹن نے کہا ہے کہ  افغانستان میں غیرملکی افواج کی مداخلت روکنے کیلئے چین کیساتھ کام کرنے کیلئے تیارہیں۔چینی صدر شی جن پنگ کا کہنا تھا کہ افغانستان کی تمام جماعتیں کھلا اور جامع سیاسی فریم ورک بنائیں،دہشتگردگروپوں سے رابطے ختم کیے جائیں۔