بھارتی سفیر کی قطر میں طالبان کے سیاسی دفتر کے نائب سربراہ سے ملاقات

غیر ملکی خبررساں ادارے کے مطابق دونوں رہنماؤں کے درمیان افغانستان میں پھنسے بھارتی شہریوں کی جلد واپسی اور ان کی سیکیورٹی کے معاملات پر بات چیت ہوئی ۔

ملاقات میں بھارتی سفیر نے دہشت گردوں کی جانب سے افغانستان کی سرزمین استعمال کرنے کے خدشے کا اظہار کیا جبکہ طالبان رہنما نے انہیں مسائل کے مثبت حل کی یقین دہانی کروائی ۔

طالبان کی جانب سے شیر محدم ستانکزئی اور دیپک متل کے درمیان ہونے والی ملاقات کے حوالے سے تاحال کوئی بیان سامنے نہیں آیا ۔

خیال رہے کہ 1996 سے 2001 تک طالبان کے سابقہ دور حکومت میں بھارت نے شمالی اتحاد کا ساتھ دیا تھا ۔