• GNN
Advertisement
پاکستان

کورونا کا پھیلاؤ : پنجاب میں 6 ستمبر سے اسکولز  بندکرنے کا فیصلہ

لاہور : پنجاب بھر میں کورونا کیسز میں اضافے کے پیش نظر 6 سے 11 ستمبر تک تمام سرکاری و نجی سکول بند کرنے کا فیصلہ کیا گیا ہے۔

GNN Web Desk
شائع شدہ 5 years ago پر Sep 3rd 2021, 5:59 pm
ویب ڈیسک کے ذریعے
کورونا کا پھیلاؤ : پنجاب میں 6 ستمبر سے اسکولز  بندکرنے کا فیصلہ

تفصیلات کے مطابق وزیر تعلیم پنجاب مراد راس نے سماجی رابطے کی ویب سائٹ  ٹوئٹر پر پیغام میں کہا  کہ کورونا کی بگڑتی ہوئی صورتحال کے پیش نظر پنجاب میں 6 سے 11 ستمبر تک کے لئے اسکولز  بند کئے جا رہے ہیں ۔ انہوں نے کہا کہ ایس او پیز پر عملدرآمد کو ہر ممکن یقینی بنائیں ، گھر پر رہیں اور محفوظ رہیں ۔ 

مزید پڑھیں : ملک بھرمیں کورونا کی بگڑتی صورتحال ، این سی او سی نے نئی پابندیاں عائد کردیں

 

خیال رہے کہ کورونا کے پیش نظر پنجاب بھر کے بند سرکاری و نجی اسکولز کو 7جون سے ایس او پیز کے ساتھ دوبارہ کھولا گیا تھا۔ 

واضح رہے کہ سماجی فاصلے، ماسک کو نظر انداز کرنے اور ایس او پیز کی خلاف ورزیوں کے باعث پاکستان میں کورونا وائرس کی چوتھی لہر زور پکڑنے لگی ہے ۔  ملک میں وائرس سے جاں بحق افرادکی مجموعی تعداد 26 ہزار سے زائد ہوگئی ہے ۔نیشنل کمانڈ اینڈ آپریشن سینٹر کی جانب سے جاری کیے گئے تازہ اعداد و شمارکے مطابق  ملک میں کی  کورونا کی چوتھی  لہر کے دوران  مزید 57 افراد انتقال کر گئے جبکہ 3787کیسز رپورٹ ہوئے ہیں۔ ملک میں   اموات کی مجموعی تعداد26ہزار035ہوگئی ہے،جبکہ  متاثرہ افراد کی مجموعی تعداد 11لاکھ71ہزار578ہوگئی ہے ۔

 
 
Advertisement
آپ کو یہ پسند آسکتا ہے
رجحانات
Advertisement