وفاقی وزیر اطلاعات اورگورنر سندھ کی اسپتال میں زیرعلاج معروف کامیڈین عمر شریف کی عیادت

تفصیلات کے مطابق فواد چودھری کا کہنا ہے کہ عمرشریف ہمارا اثاثہ ہیں،حکومت کی پوری کوشش ہوگی کہ عمرشریف کو تمام سہولیات مہیا کریں۔

وفاقی وزیراطلات کا کہنا تھا کہ وزیر اعظم کے ساتھ عمر شریف نے شوکت خانم کی فنڈز ریزنگ میں بڑا عرصہ گزارا،وزیر صحت سے بات کی ہے حل تلاش کر رہے ہیں کہ عمر شریف کا علاج کہاں اور کیسے ہونا ہے۔

ان کا کہناتھا کہ وزیر اعظم علاج معالجہ اور ٹریول میں ہر مدد کرینگے،امید ہے دل کے عارضے سے شفاء ہوگی،ڈاکٹرز بورڈ فیصلہ کرینگے کہ وہ ٹریول کر سکیں گے یا نہیں،ڈاکٹر یاور اور ڈاکٹر سلطان کا بورڈ بن چکا ہے۔

گورنر سندھ کا کہنا ہے کہ ملک کے سپراسٹار عمرشریف زندگی اور موت کی جنگ لڑ رہے ہیں،کراچی۔عمرشریف نے عمران خان سے شوکت خانم اسپتال میں علاج کی درزخواست کی تھی۔

ان کا کہنا تھا کہ عمران خان نے ڈاکٹر فیصل سلطان کو ہدایات جاری کردی ہیں،آغا خان اسپتال کامیڈیکل بورڈ ڈاکٹر فیصل کی ہدایت ہرکام کریگا،میڈیکل بورڈ جو فیصلہ کریگا اسے آگے لیکرچلیں گے۔