اسلام آباد پہلا شہر بن گیا جس کی پچاس  فیصد  آبادی  مکمل طور پر ویکسینیٹ ہوچکی  : اسد عمر

سماجی رابطے کی ویب سائٹ ٹوئٹر پر ایک پیغام میں سربراہ نیشنل کمانڈ اینڈ آپریشن سینٹر (این سی او سی ) اسد عمر نے کہا ہے کہ  اسلام آباد پہلا شہر بن گیا جس کی پچاس  فیصد اہل آبادی کو  مکمل طور پر ویکسین لگا دی گئی ہے۔شہر کی اکہتر فیصد آبادی کو پہلی خوراک لگ چکی ہے۔

Islamabad has become the first city in Pakistan to have at least 50% of its eligible population (15 years & older) fully vaccinated. 71% of Islamabad eligible population has recieved atleast 1 dose. Need to see an acceleration of second dose in other cities

— Asad Umar (@Asad_Umar) September 12, 2021

انہوں نے لکھا کہ دیگرشہروں میں دوسری خوراک لگنے کےعمل میں تیزی کی ضرورت ہے۔

نیشنل کمانڈ اینڈ آپریشن سینٹر کی جانب سے جاری کیے گئے تازہ اعداد و شمارکے مطابق  ملک میں    مزید 58 افراد انتقال کر گئے جبکہ3153کیسز رپورٹ ہوئے ہیں۔ ملک بھرمیں گزشتہ24گھنٹوں  میں57ہزار792ٹیسٹ کئےگئے  ہیں ۔ ملک میں کوروناوائرس کےمثبت کیسزکی شرح5.45فیصدرہی ہے۔ پاکستان میں کوروناکے5370مریضوں کی حالت تشویشناک ہے۔