گورنرسندھ عمران اسماعیل سے گورنرپنجاب چودھری محمد سرور کی ملاقات

تفصیلات کے مطابق گورنر سندھ کا کہنا ہے کہ ملک کے معاشی و تجارتی حب کراچی کی تعمیر و ترقی کے لئیے وفاقی حکومت اقدامات یقینی بنا رہی ہے،موجودہ حکومت کے دور میں ہر شعبے میں ترقی ہوئی ہے۔

عمران اسماعیل کا کہنا ہے کہ ترقیاتی منصوبوں کی تکمیل سے عام آدمی کا معیار زندگی بلند ہوگا،ملک کی  ترقی اور استحکام حکومت کی اولین ترجیح ہے۔

گورنر پنجاب کا کہنا ہے کہ صوبہ پنجاب میں تعلیم، صحت اور انفرا اسٹرکچر کی بہتری پر خاص توجہ دی جارہی ہے،پنجاب میں شہری اوردیہی علاقوں میں یکساں ترقیاتی منصوبوں پر کام ہورہے ہیں،موجودہ حکومت عوام کی ترقی اورخوشحالی کیلئے اقدامات کر رہی ہے۔