ویکسین نہ لگوانےوالے سرکاری ملازمین کو نوکریوں سے فارغ کرنے کی سفارشات تیار

ذرائع کے مطابق   ضلعی حکومت کے احکامات کے باوجود سرکاری ملازمین ویکسین نہیں لگوا رہے،واسا کے  6 ہزار 390 ملازمین میں سے 5325 نے ویکسین لگوائی،  ڈسٹرکٹ ایجوکیشن اتھارٹی   کے 74070 ملازمین میں سے 73512 نے ویکسین لگوائی ہے، ایل ڈی اے کے 2056 میں سے 1562 ملازمین نے ویکسین لگوائی ہےْ

ذرائع  کا کہنا ہے کہ   پی ایچ اے کے 2 ہزار ملازمین کا ریکارڈ ہی مرتب نہیں ہو سکا۔ ضلعی انتظامیہ نے ویکسین نہ لگوانے والے سرکاری ملازمین کا ریکارڈ مرتب کر لیا ہے اور  ملازمین کے خلاف پیڈا ایکٹ کے تحت نوکریوں سے فارغ کرنے کی سفارشات تیار کی گئی ہیں۔ 

نیشنل کمانڈ اینڈ آپریشن سینٹر کی جانب سے جاری کیے گئے تازہ اعداد و شمارکے مطابق  ملک میں  اموات کی مجموعی تعداد26ہزار787ہوگئی ہے،جبکہ  متاثرہ افراد کی مجموعی تعداد 12لاکھ07ہزار508ہوگئی ہے ۔

ملک بھرمیں صحت یاب ہونے والے افراد کی تعداد بھی تیزی سے بڑھنے لگی ہے، این سی اوسی کے مطابق گزشتہ  24گھنٹوں میں 3391 افرادکوروناوائرس کوشکست دےچکے ہیں۔ ملک بھر میں اب تک 10لاکھ90ہزار176مریض کورونا کو شکست دے چکے ہیں ۔