ڈپریشن کی وجہ سے جینے کی امید ختم ہوگئی تھی: دپیکا پڈوکون

تفصیلات کے مطابق اداکارہ دپیکا پڈوکون بھارت کے کوئزشو کون بنے گا کروڑ پتی میں شریک ہوئیں اور میزبان امیتابھ بچن سے ڈپریشن سے متعلق گفتگو کرتے ہوئے مختلف انکشافات کیے۔

اداکارہ کا کہنا تھا کہ مجھ میں 2014 میں ڈپریشن کی تشخیص ہوئی تھی، میں پریشان تھی کیوں کہ لوگ اس بارے میں بات نہیں کرتے تھے، یہ ایک بدنما داغ  تھا جس کے بارے میں لوگ زیادہ نہیں جانتے تھے، اس دوران مجھے محسوس ہوا کہ میری طرح بہت سے لوگ ہیں جو اس  ذہنی کیفیت کا تجربہ کررہے ہیں۔

ان کا کہنا تھا کہ اچانک ہی میں عجیب سے جذبات محسوس کرنے لگتی تھی،ایک خالی پن سا محسوس ہوتا تھا، مجھے کسی سے ملنا یا باہر جانا یا کچھ بھی کرنا اچھا نہیں لگتا تھا، مجھے لگتا تھا کہ میرے جینے کا کوئی مقصد نہیں ہے،میں جینا نہیں چاہتی تھی۔

ان کا مزید کہنا تھا کہ والدہ نے مجھے ماہر نفسیات سے ملاقات کا مشورہ دیا اور میں نے ایسا ہی کیا جس کے کئی ماہ بعد میں صحتیاب ہوگئی۔