فاسٹ باؤلر حسن علی کی اداکاری کے چرچے

تفصیلات  کے مطابق   پاکستان اور نیوزی لینڈ کے درمیان ہونے والی سیر یز کے حوالے سے جہاں  شائقین  بے حد پُرجوش نظر آرہے ہیں وہیں  پاکستان کرکٹ بورڈ کی جانب سے بھی ایک ویڈیو شیئر کی گئی ہے۔ 

ویڈیو میں فاسٹ باؤلر حسن علی کو اداکاری کرتے ہوئے دیکھا جاسکتا ہے جو کہ  والد اور والدہ    کے ہمراہ رشتے کے لیے لڑکی والوں کے گھر میں موجود ہیں۔ اشتہار میں حسن علی کی والدہ لڑکی والوں سے پوچھتی ہیں کہ ’ماشا اللہ لڑکی کیا کرتی ہے، لڑکی کے والد میچ دیکھنے میں مشغول ہیں اور بس اتنا جواب دیتے ہیں جی جی۔‘ حسن علی کی والدہ بتاتی ہیں کہ ’ہمارے بیٹے نے ایم بی اے میں ٹاپ کیا جس پر وہ فخر محسوس کرتے ہیں اور لڑکی کے والد کہتے ہیں ہاں ہاں ضرور کیا ہوگا۔

اشتہار میں فاسٹ بولر کی والدہ کہتی ہیں کہ ’تو ہم ہاں سمجھیں‘ اس پر لڑکی کے والد خوشی میں اٹھ کر کھڑے ہوجاتے ہیں اور کہتے ہیں کہ ہاں، ہورہا ہے۔‘گھر میں موجود خانساماں کہتا ہے کہ ’مٹھائی‘ اس پر لڑکی کے والد کہتے ہیں کہ ’میں تو میچ کی بات کررہا تھا، اس پر حسن علی اور ان کی والدہ ایک دوسرے کو حیرانی سے دیکھنے لگ جاتے ہیں۔ ویڈیو کے آخر میں خاتون کہتی ہیں کہ ’اِن کا کچھ ہو نہ ہو، پاکستان  کا مقابلہ  نیوزی لینڈ سے پاکستان میں ہورہا ہے۔

Excited to announce New Zealand’s tour to Pakistan from 17th September to 3rd October 2021.
3 ODIs and 5 T20Is #HoRahaHai! #PAKvNZ pic.twitter.com/5UzBjSoL2Z

— Pakistan Cricket (@TheRealPCB) September 13, 2021

پی سی بی کی جانب سے جاری  کردہ ویڈیو اپ لوڈ ہوتے ہی کرکٹ شائقین کی  توجہ کا مرکز بن گئی  ہے ۔

واضح رہے کہ نیوزی لینڈ کرکٹ ٹیم 18 سال بعد پاکستان کے دورے پرپہنچی ہے ،  پاکستان اور نیوزی لینڈ کے درمیان ون ڈے اور ٹی ٹوئنٹی  سیریز 17 ستمبر سے 3 اکتوبر تک راولپنڈی اور لاہور میں  کھیلی جائے گی۔