راکا پوشی پر پھنسے 3 کوہ پیما ریسکیو کرلیے گئے

نگر :گلگت بلتستان کے راکا پوشی کی چوٹی سے 1 پاکستانی واجد اللہ نگری  اور 2 غیر ملکی  یٹر میسک اور جیکب ویسک کوہ پیماؤں کو ریسکیو کر لیا گیا۔  ڈپٹی کمشنر نگر کے مطابق  چیک ریپبلک کے 2 اور ایک پاکستانی  کوہ پیما  6 ہزار 900 میٹر کی بلندی پرپانچ روز سے  پھنسے ہوئے تھے ۔ انہوں نے بتایا کہ کوہ پیماؤں کو ریسکیو کرنے کے عمل میں آرمی کے ہیلی کاپٹر نے اپنا کردار ادا کیا۔

واضح رہے کہ ان کوہ پیماؤں نے گزشتہ ہفتے راکا پوشی کی چوٹی سر کی تھی، جبکہ واپسی پر یہ تینوں کوہ پیما 6900 میٹر کی بلندی پر کئی روز پھنسے رہے۔