لاہور پولیس کا رات گئے بدمعاشوں اور قبضہ گروپوں کےخلاف آپریشن 

تفصیلات کے مطابق سی سی پی او لاہور  غلام محمود ڈوگر کے حکم پر اقبال ٹاؤن ڈویژن  نے رات گئے آپریشن کیا ہے، ایس پی اقبال ٹاؤن اویس شفیق کے مطابق  تھانوں میں حاضریاں مکمل نہ کرنے والے بدمعاشوں کو دھر لیا گیا، اقبال ٹاؤن ڈویژن میں گزشتہ 36 گھنٹوں میں 12 بدمعاشوں کو دھر لیا گیا۔

خاور ڈوگر اور صابر عرف کالی نے تھانہ ملت پارک حاضری لگوائی، نادر اور شاہد نے تھانہ گلشن راوی حاضری لگوائی، دوسگے بھائی خلیل اور جمیل ،آصف شاہ، امیر علی اور شفیق نے تھانہ شیراکوٹ حاضری لگوائی، ذوالفقار علی عرف بھٹو نے تھانہ نواں کوٹ حاضری لگوائی، ، رانا سمیع نے تھانہ سمن آباد حاضری لگوائی، ساندہ پولیس وسیم عرف لمبا کو گرفتار کرکے تھانہ لائی اور حاضری لگوائی۔

سی سی پی او لاہور غلام محمود ڈوگر کا کہنا ہے کہ  لاہور میں غنڈہ عناصر کی کوئی جگہ نہیں ہے۔