پشاور:ویکسینیشن نہ کرنیوالے مسافروں پر بی آر ٹی بس کے دروازے بند

جی این این کے مطابق صوبائی دارالحکومت پشاور میں آج سے بی آر ٹی میں سفر کورونا ویکسینیشن سرٹیفکیٹ کے ساتھ مشروط ہوگا۔ ترجمان ٹرانس پشاور کے مطابق کورونا ویکسینیشن سرٹیفکیٹ دکھا کرہی بی آر ٹی بس میں سفر کیا جا سکے گا، جن  مسافروں کے پاس کرونا ویکسینیشن سرٹیفیکٹ نہیں ہوگا انہیں سفر کی اجازت نہیں ہوگی  ۔ علاوہ ازیں کورونا ویکسینیشن کی ایک ڈوز والے مسافر بی آر ٹی میں سفر کرسکیں گے۔ ترجمان کاکہنا ہے کہ شہری و مسافر کرونا ویکسینیشن مکمل کروائیں اور اپنا اور دوسروں کا سفر آسان بنائیں۔ 

خیال رہے کہ حکومتی احکامات پر بی آر ٹی میں 20ستمبر تک ویکسینیشن کی ڈیڈلائن دی گئی تھی۔ 

یہ بھی پڑھیں :لاہور: پبلک ٹرانسپورٹ میں سفر کرنے کیلئے ویکسی نیشن لازمی قرار        

https://gnnhd.tv/urdu/news/6974         

واضح رہے کہ ملک  میں کورونا وائرس کی  چوتھی  لہر جاری ہے تاہم مثبت کیسز میں کمی آئی ہے۔ خیبرپختون خوا میں کورونا وائرس سے متاثرہ مریضوں کی تعدادایک لاکھ 71ہزار388ہوچکی ہے  جبکہ  صوبے میں 5412افراد چل بسے ۔

نیشنل کمانڈ اینڈ آپریشن سینٹر کی جانب سے جاری کیے گئے تازہ اعداد و شمارکے مطابق ملک میں کورونا وائرس کی  چوتھی  لہر کے دوران  مزید 40افراد انتقال کر گئے جبکہ 2ہزار 167کیسز رپورٹ ہوئے ہیں۔   ملک میں  اموات کی مجموعی تعداد27ہزار246ہوگئی ہے،جبکہ  متاثرہ افراد کی مجموعی تعداد 12لاکھ26ہزار08 تک پہنچ گئی ہے۔  این سی اوسی کے مطابق ملک میں کورونا کے فعال کیسز کی تعداد63ہزار724ہوگئی جبکہ مثبت کیسزکی شرح 4.22فیصدرہی ۔ 

یہ بھی پڑھیں :پاکستان میں کورونا کے مثبت کیسز کی شرح میں کمی  

https://gnnhd.tv/urdu/news/7018