لاہور قلندرز نے کوئٹہ گلیڈی ایٹرز کو 9 وکٹوں سے شکست دے دی

پاکستان سپر لیگ  کے چھٹے ایڈیشن کے چوتھے میچ میں  لاہور قلندرز نے کوئٹہ گلیڈی ایٹرز کو 9 وکٹوں سے شکست دے دی۔ لاہور قلندرز نے 179 رنز کا ہدف 19ویں اوور میں پورا کرلیا۔محمد حفیظ 73، فخر زمان 82 رنز بناکر ناٹ آؤٹ رہے،  محمد حفیظ نے 33 گیندوں پر6 چھکوں کی مدد سے  73 رنز بنائے جبکہ  فخر زمان نے 52 گیندوں پر 82 رنز کی اننگز کھیلی۔

کوئٹہ گلیڈی ایٹرز کی طرف سے واحد وکٹ زاہد محمود نے حاصل کی،  کوئٹہ گلیڈی ایٹرز نے 6 وکٹوں کے نقصان پر 178 رنز بنائے،  کرس گیل 68 رنز بناکر ٹاپ سکورر رہے جبکہ  سرفراز احمد نے 40، اعظم خان نے 13 رنز کا اضافہ کیا،  محمد نواز 33، انور علی 1 رن بناکر ناٹ آؤٹ رہے۔لاہور قلندرز کی طرف سے حارث رؤف نے 3 شکار کیے۔