وزیراعلی بلوچستان کیخلاف تحریک عدم اعتماد جمع

تفصیلات کے مطابق  وزیراعلی بلوچستان کے خلاف بلوچستان عوامی پارٹی ( بی اے پی)  کے ناراض اراکین نے تحریک عدم اعتماد جمع کرادی ہے۔ تحریک عدم اعتماد پر ظہور بلیدی، اسد بلوچ، اکبر آسکانی سمیت چودہ ارکان کے دستخط ہیں۔

ذرائع  کے مطابق   تحریک عدم اعتماد کا متن ہے کہ گزشتہ تین سال کے دوران وزیراعلی بلوچستان جام کمال  کی خراب حکمرانی کے باعث بلوچستان میں شدید مایوسی ہے۔

دوسری جانب  اسپیکر میر عبدالقدوس بزنجو کی اپوزیشن چیمبر میں قائد حزب اختلاف سے ملاقات ہوئی ہے،   ملاقات میں قائد حزب اختلاف ملک سکندر ایڈووکیٹ سمیت دیگر اپوزیشن اراکین موجود تھے۔

اسپیکر قدوس بزنجو نے تحریک عدم اعتماد کی کامیابی کےلئے تعاون کی درخواست کی ہے،  اپوزیشن اراکین نے وزیراعلی کے خلاف تحریک عدم اعتماد کی کامیابی میں مکمل تعاون کی یقین دہانی کرادی۔

قائد حزب اختلاف ملک سکندر ایڈووکیٹ نے کہا ہے کہ   آئینی تقاضا یہی ہے کہ گورنر بلوچستان اسمبلی کا اجلاس طلب کرے،  تحریک عدم اعتماد جمع ہونے کے بعد 7 دن کے اندر بلوچستان اسمبلی کا اجلاس طلب کیا جانا چائیے۔