انگلینڈ کا ایشزسیریزکیلئے اسکواڈکااعلان 

تفصیلات کے مطابق آسٹریلیا میں کورونا کی وجہ سے سخت پابندیوں کے بعدایشز سیریز ہونے کے امکان کم نظر آرہے تھے اور کرکٹرز کے اہلخانہ کو بھی تشویش کا اظہار تھا۔

انگلینڈ ٹیم کے کپتان نے کہا تھا کی اگر ان کے تحفظات دور ناکیئے گئے توانہیں دورہ منسوخ کرنا پڑسکتا ہے۔ تاہم آسٹریلیا کرکٹ بورڈ نے جمعہ کے روز ان کے خدشات کو دور کر دیا ہے اور اس طرح انگلینڈ اینڈ ویلز نے دورہ کی تصدیق کر دی ہے۔

انگلینڈ نے اپنے 17 رکنی اسکواڈ کا اعلان کر دیا،روٹ اور بٹلر کا نام بھی اسکواڈ میں شامل ہیں تجربہ کار باؤلر باڈ اور اینڈرسن باؤلنگ شعبہ کو مضبوط بنائیں گے۔ 

انجری کے باعث جوفرا آرچر اور اولی اسٹون ٹیم کا حصہ نہیں ہوں گے۔ معین علی کی ریٹائرمنٹ کہ بعد سپن باؤلنگ میں جیک لیچ اور ڈوم بیس کو شامل کیا گیا ہے۔

انگلش 17رکنی اسکواڈ میں جو روٹ (کپتان)، جوز بٹلر (نائب کپتان)، جیمز اینڈرسن، جونی بیئراسٹو، ڈوم بیس، اسٹورٹ براڈ، روری برن، زیک کراؤلے، حسیب حمید، ڈان لارینس، جیک لیچ، ڈیوڈ ملان، گریک اووٹن، اولی پوپ، اولی رابنسن، کرس ووکس اور مارک ووڈ شامل ہیں۔