سابق بھارتی کرکٹر یووراج سنگھ کی متعصبانہ جملے پر گرفتاری

بھارتی میڈیا رپورٹس کے مطابق 39 سالہ  یووراج سنگھ نے گزشتہ برس روہت شرما کے ساتھ انسٹاگرام لائیو میں کرکٹر یوجویندر چہل کے خلاف قابلِ اعتراض تبصرہ کیا تھا، جس پر ہریانہ کے ہانسی سٹی پولیس اسٹیشن میں یووراج سنگھ کے خلاف مقدمہ درج کیا گیا تھا۔ ہفتے کے روز ہریانہ پولیس نے عدالتی حکم پر  انہیں اسپنر یوجویندر چہل کے خلاف ذات پات سے متعلق بات کرنے  پر گرفتار کیا  تاہم تین  گھنٹے کی پوچھ گچھ کے بعد انہیں رہا کردیا گیا ۔ 

بھارتی میڈیا رپورٹس کے مطابق  ہریانہ میں یورواج سنگھ اپنے چار یا پانچ افراد پر مشتمل عملے اور سیکیورٹی کے ساتھ پولیس اسٹیشن پہنچے تھے۔

یورواج سنگھ کی گرفتاری رواں برس فروری میں ہریانہ میں ایک دلت کارکن کی جانب سے دائر کی گئی شکایت کے بعد سامنے آئی ہے۔

 گزشتہ برس کورونا وبا کے دوران لاک ڈاؤن میں یووراج سنگھ نے روہت شرما اس کے بعد یووراج سنگھ کے خلاف بھارتی لیگ اسپنر کو متعصبانہ جملہ کہنے پر ایف آئی آر درج کی گئی تھی  جب یووراج سنگھ نے روہت شرما  کے ساتھ گفتگو کے دوران یوجویندر چہل کو ’بھنگی‘ کہہ کر مخاطب کیا تھا۔

تاہم یووراج نے سوشل میڈیا سائٹس پر اپنے اس عمل کی معافی  مانگتے ہوئے  وضاحت کی تھی کہ  وہ رنگ ، ذات ، عقیدے کی بنیاد پر کسی قسم کے امتیازی سلوک پر یقین نہیں رکھتے۔  ان کا کہنا تھا کہ میں سمجھتا ہوں کہ جب میں اپنے دوستوں کے ساتھ بات چیت کر رہا تھا، مجھے غلط فہمی ہوئی جو کہ بلا جواز تھی تاہم ، ایک ذمہ دار بھارتی شہری کے طور پر میں یہ کہنا چاہتا ہوں کہ اگر میں نے غیر ارادی طور پر کسی کے جذبات یا جذبات کو ٹھیس پہنچائی ہے تو میں اس پر افسوس کا اظہار کرنا چاہتا ہوں، بھارت اور اس کے تمام لوگوں کے لیے میری محبت ابدی ہے‘۔