بھارت میں  طوفانی بارشوں نے تباہی مچادی 

تفصیلات کے مطابق بھارتی ریاست کیرالہ میں سیلاب کی صورتحال بہت سنگین ہوچکی ہے،  کیرالہ  میں شدید بارشوں اور لینڈ سلائیڈنگ سے ہونے والی ہلاکتوں میں اضافہ ہوگیا ہے جہاں اب تک24 افراد جان کی بازی ہار گئے۔ 

کیرالا کے وزیراعلیٰ کے مطابق متاثرین کیلئے 100 ریلیف کیمپ قائم کیے گئے ہیں اور متاثرہ ہزاروں افراد کوعارضی کیمپوں میں منتقل کیا گیا ہے۔بھارتی میڈیا کے مطابق موسلادھار بارش اور لینڈ سلائیڈنگ سے ضلع کوٹایم میں مٹی کا تودہ گرنے سے 13 افراد ہلاک ہوئے۔ مزید بارشوں کے پیش نظر لوگوں سے اپیل کی گئی ہے کہ وہ احتیاطی تدابیر اختیار کریں۔

#WATCH | Kerala: A house got washed away by strong water currents of a river in Kottayam's Mundakayam yesterday following heavy rainfall. pic.twitter.com/YYBFd9HQSp

— ANI (@ANI) October 18, 2021

محکمہ موسمیات کے مطابق 20 تاریخ سے ریاست میں ایک بار پھر شدید بارش کے امکان ہیں، حکام کے مطابق ضلع ادوکی میں 11 اور کوٹیم میں 14 ہلاکتیں ہوئیں جبکہ ساحلی علاقوں میں بارشوں کے باعث زمینی رابطہ منقطع ہوگیا۔ متاثرہ ہزاروں افراد کوعارضی کیمپوں میں منتقل کیا گیا ہے۔کیرالا کے پانچ اضلاع میں سخت موسم کا ریڈ الرٹ جبکہ 7 اضلاع میں اورنج الرٹ جاری کیا گیا ہے۔

یاد رہے کہ  2018 میں بھی  کیرالا میں بدترین سیلاب سے تقریبا 400افراد ہلاک اور دس لاکھ سے زائد بے گھر ہوئےتھے ۔