یکم نومبر سے ان موبائل فونز پر واٹس ایپ نہیں چلے گا 

تفصیلات کے مطابق برطانوی اخبار کی  ایک رپورٹ کے مطابق یکم نومبر سے فیس بک کی زیر ملکیت ایپ  واٹس ایپ کو 50 سے زائد موبائل فونز کے صارفین استعمال نہیں کرسکیں گے،  بہت سے معروف اینڈرائڈ موبائل فونز یکم نومبر کے بعد واٹس ایپ کو سپورٹ نہیں کریں گے ان میں آئی فون، سام  سنگ، ایل جی اور سونی کے موبائل سیٹ شامل ہیں۔

آئی فون صارفین جن کے موبائل میں آئی او ایس 9 یا اس سے پرانا ورژن ہے انہیں اپ ڈیٹ کرنا ہوگا اور وہ آئی اوایس 10 یا اس سے نئے ورژن پر ہی واٹس ایپ استعمال کرسکیں گے، اسی طرح ایسے اینڈرائڈ صارفین جو اب تک 4.04 ورژن استعمال کررہے ہیں انہیں 4،1 یا اس سے جدید ورژن اپ ڈیٹ کرنا ہوگا۔

سام سنگ گلیکسی ایس 3 اور ہواوے ایسنڈ میٹ بھی اس میں  شامل ہے جبکہ  ایپل میں آئی فون 4 یا اس سے پرانے فونز میں بھی واٹس ایپ نہیں چلے گا، ان موبائل فونز کے صارفین کو واٹس ایپ کے استعمال کے لیے نیا اسمارٹ فون خریدنا ہوگا۔

اس کے علاوہ آئی فون 6s ، 6s پلس اور آئی فون ایس ای کے علاوہ  گلیکسی ٹرینڈ لائٹ، گلیکسی ٹرینڈ 2 اور گلیکسی s2 ہواوے سمیت 4 درجن کے قریب اسمارٹ فونز  کو اپ گریڈ کرنا پڑے گا ۔