وزیر اعلی پنجاب کی میو ہسپتال آمد، زخمی پولیس اہلکاروں کی عیادت کی

تفصیلات کے مطابق  وزیر اعلی پنجاب  عثمان بزدارکا میوہسپتال کا دورہ،  عثمان بزدارنے مظاہرین کے تشدد وفائرنگ سے زخمی پولیس اہلکاروں کی عیادت کی، وزیراعلیٰ عثمان بزدار فرداً فرداً زخمی ڈی ایس پی، ایس ایچ او اور دیگر اہلکاروں کے پاس گئے، وزیراعلیٰ عثمان بزدار نے زخمی پولیس اہلکاروں کی خیریت دریافت کی اور  زخمی پولیس اہلکاروں کے حوصلے اور جذبے کو سراہا۔وزیراعلیٰ عثمان بزدار نے زخمی پولیس اہلکاروں کے علاج معالجے کے لئے ہسپتال انتظامیہ کو ضروری ہدایات دیں۔

وزی راعلی پناجب عثمان بزدار کا کہنا ہے کہ  زخمی پولیس اہلکاروں کوعلاج معالجے کی ہر ممکن سہولتیں مہیا کی جائیں گی، زخمی پولیس اہلکاروں کی دیکھ بھال میں کوئی کسر اٹھا نہ رکھی جائے، پنجاب حکومت کی ہمدردیاں آپ کے ساتھ ہیں ،حکومت آپ کے ساتھ کھڑی ہے، آپ فرض کی ادائیگی کے دوران زخمی ہوئے ہیں،حکومت آپ کی فرض شناسی کوسراہتی ہے،  حکومت آپ اور آپ کے خاندان کی ہر ممکن دیکھ بھال کرتی رہے گی۔ آپ ہمارے ہیرو ہیں ،آپ کو تنہا نہیں چھوڑیں گے۔

زخمی پولیس اہلکاروں نے وزیر اعلی پنجاب سے کہا کہ  آپ کی آمد سے ہمارے حوصلے بڑھے ہیں۔

وزیراعلیٰ عثمان بزدارنے آرتھوپیڈک وارڈ میں زیر علاج دیگر مریضوں کی بھی عیادت کی،  وزیراعلیٰ عثمان بزدار نے مریضوں سے ہسپتال میں فراہم کی جانے والی سہولتوں کے بارے میں دریافت کیا۔ وزیراعلی کی مریضوں اور ان کے تیمار دارو ں سے پوچھا کہ  آپ کو کوئی مسئلہ ہے تو بتائیں میں حل کروں گا۔