بھارت  کی طالبان کو  فضائی حملے کی دھمکی

غیر ملکی خبر رساں ادارے کے مطابق  اتر پردیش کے وزیر اعلیٰ یوگی آدتیا ناتھ نے خبردار کیا ہے کہ افغانستان میں طالبان  رہنما جانتے ہیں کہ اگر وہ بھارت کی طرف بڑھے تو فضائی حملے  انہیں روکنے  کے لیے تیار ہیں۔ یوگی آدتیا ناتھ نے کہا کہ پاکستان اور افغانستان دونوں ہی طالبان سے پریشان ہیں۔

مزید پڑھیں : امریکی صدر کی ایران کو ڈرو ن حملوں کی دھمکی

انہوں نے یہ بھی کہا کہ ہندوستان آج بہت طاقتور ہے اور کوئی بھی ملک ہندوستان کی طرف آنکھ اٹھانے کی جرات نہیں کرسکتا۔

خیال رہے کہ  افغانستان، پاکستان اور ایران کے لیے ہندوستان کے خصوصی نمائندے نے 20 اکتوبر کو ماسکو میں طالبان کے نائب وزیر اعظم سے ملاقات کی تھی اور  طالبان نے بھارت کو ان کی سرزمین سے خطرہ نہ ہونے کی یقین دہانی کرائی تھی۔

طالبان نے  کئی بارعلاقائی ممالک کو یقین دہانی کرائی ہے کہ  افغانستان کی سرزمین کسی ملک کے خلاف استعمال نہیں ہوگی اور  وہ دوسروں کے اندرونی معاملات میں مداخلت نہیں کریں گے اور اسی لیے دوسرےبھی افغانستان میں مداخلت نہ کریں۔