شعیب ملک سے شادی؟ عائشہ عمر نے خاموشی توڑ دی

تفصیلات کے مطابق چند روز قبل اداکارہ عائشہ عمر کی فوٹوشوٹ کی تصاویر منظر عام پر آئی تھیں اس وقت سوشل میڈیا پر بہت سے سوالات اداکارہ کے مداحوں کی طرف سے اٹھائے گئے تھے اور جب کل عائشہ عمر نے دوبارہ فوٹوشوٹ کی ایک تصویر انسٹاگرام پر شیئر کی تو سوشل میڈیا صارفین میں ایک بار پھر چہ مگوئیاں شروع ہوگئیں کہ عائشہ اور شعیب ملک کے درمیان کیا چل رہا ہے۔

اسی تجسس کے تحت ایک صارف نے تصویر پر تبصرہ کرتے ہوئے عائشہ عمر سے سوال پوچھ لیا کیا آپ دونوں کا شادی کا پروگرام ہے؟

عائشہ عمر نے اس صارف کو جواب دیتے ہوئے اپنی اور شعیب ملک کی شادی کی خبروں کی تردید کی اور کہا جی نہیں، بالکل نہیں، ان کی شادی ہوچکی ہے اور وہ اپنی بیوی کے ساتھ بہت خوش ہیں۔ 

اداکارہ کا کہنا تھا کہ میں شعیب ملک اور ثانیہ مرزا دونوں کی بہت عزت کرتی ہوں،شعیب اور میں اچھے دوست اور ایک دوسرے کے خیرخواہ  ہیں۔ ایسے رشتے بھی ہوتے ہیں دنیا میں لوگوں کے۔