انڈونیشیا کی مذہبی کونسل کے علماء نے کریپٹوکرنسی کو حرام قراردےدیا

غیر ملکی خبر رساں ادارے کے مطا بق انڈونیشیا کی مذہبی کونسل کے علماء نے کریپٹوکرنسی کو حرام قراردےدیا ہے ، مذہبی کونسل کےعلماء  کی جانب سے  فتویٰ دیا گیا ہے جس میں  مسلمانوں کو کریپٹو کرنسی  کے استعمال سےمنع کیاگیاہے۔

قومی علما کونسل کے سربراہ اسروون نیام شولح  نے کہا ہے کہ  اگر کریپٹو کرنسی بطور شے یا ڈیجیٹل اثاثہ شرعی اصولوں کی پابندی کر سکتی ہے اور واضح فائدہ دکھا سکتی ہے، تو اس کی تجارت کی جا سکتی ہے۔قومی علما کونسل  ملک میں شریعت کی تعمیل کا اختیار رکھتا ہے ، وزارت خزانہ اور مرکزی بینک اسلامی مالیاتی امور پر ان سے مشاورت کرتے ہیں۔

اگرچہ قومی علما کونسل کے فیصلے کا مطلب یہ نہیں ہے کہ انڈونیشیا میں تمام کریپٹو کرنسی ٹریڈنگ روک دی جائے گی، یہ حکم نامہ مسلمانوں کو اثاثوں میں سرمایہ کاری کرنے سے روک سکتا ہے اور مقامی اداروں کو کرپٹو اثاثے جاری کرنے پر دوبارہ غور کرنے پر مجبور کر سکتا ہے۔ بینک انڈونیشیا،  مرکزی بینک ڈیجیٹل کرنسی پر غور کر رہا ہے، ابھی تک کسی فیصلے کا اعلان نہیں کیا گیا ہے۔