تھانہ کلچر کی تبدیلی کے لیے پولیس کا بڑا اقدام

تفصیلات کے مطابق  تھانہ کلچر کی تبدیلی کے لیے پولیس نے بڑا اقدام اٹھایا ہے، شہریوں کی آگاہی و رہنمائی کیلئے مقدمات کے حوالے سے فلیکسز آویزاں، تھانوں میں مقدمات،رپٹ کے اندراج کا منظم طریقہ کار وضع کر دیا گیا۔

ڈی آئی جی آپریشنز احسن یونس کا کہنا ہے کہ  درخواست پر ای ٹیگ،ایف آئی آر کے حصول و نقل مقدمہ کا دورانیہ فکس کر دیا گیا،  شہریوں کو جدید تقاضوں کے مطابق سہولیات کی فراہمی کو یقینی بنایا جائے گا،  ای ٹیگ جاری ہونے پر جرم کی نوعیت کے مطابق اندراج مقدمہ کیلئے چیک لسٹ کا اجراء ہوگا۔

احسن یونس کا کہنا تھا کہ  انکوائری افسر چیک لسٹ کے علاوہ مدعی مقدمہ سے کوئی سوال نہیں پوچھے گا،  مالیاتی دستاویزات پر زیادہ سے زیادہ 7 دن کا ٹائم فریم مقرر کر دیا گیا،  قتل،اقدام قتل،زناء،بدفعلی،اغواء برائے تاوان اور ضرر کے مقدمات کیلئے 8 گھنٹے کا وقت مقرر کیا گیا ہے جبکہ  راہزنی،ڈکیتی،گاڑی چوری،سرقہ عام کیلئے 24 گھنٹے کا  تعین کر دیا گیا ہے۔

ڈی آئی جی آپریشنزنے کہا ہے کہ  چادر چار دیواری  کی پامالی، سنگین تنائج کی دھمکی میں خلل 72 گھنٹے میں مقدمہ درج کیا جائے گا،  ایف آئی آر کے اندراج کی ذمہ داری ایس ایچ او پر ہو گی۔