حسن علی ٹی 20 ورلڈ کپ میں دو میڈن اوور کرانے والے ایونٹ کے واحد کھلاڑی

دبئی : پاکستانی فاسٹ باؤلر حسن علی ٹی 20 ورلڈ کپ 2021 میں دو میڈن اوور کرانے والے ایونٹ کے واحد کھلاڑی ہیں۔

45 میچوں اور لاتعداد ناقابل یقین پرفارمنس کے بعد، آئی سی سی مینز ٹی ٹوئنٹی ورلڈ کپ 2021 اتوار کو اپنے اختتام کو پہنچا اور آسٹریلیا نے پہلی بار ٹائٹل جیتا۔

اپنے ابتدائی میچ میں شاندار کارکردگی کے ساتھ، بابر اعظم کی قیادت میں پاکستان نے ریکارڈز کی ایک سیریز قائم کی اور اپنے سیمی فائنل کوالیفائی تک ناقابل تسخیر رہے۔

تاہم جہاں حسن علی سیمی فائنل میچ میں کیچ چھوڑے جانے کی وجہ سے تنقید کی زد میں تھے وہیں ان کے چاہنے والوں کے لیے خوشی کی  خبر بھی آگئی ہے ۔ حسن علی وہ واحد باؤلر ہیں جنہوں نے دو اوور میڈن کروائے ۔

کوئی بین الااقوامی باؤلر یہ کارنامہ سرانجام نہیں دے سکا ۔  تاہم ان کی حسن علی کی قسمت ایسی تھی کہ کیچ چھوڑے جانے کے بعد شدید تنقید کی زد میں آگئے تھے ۔