پاکستان نے سنسنی خیز مقابلے  کے بعد بنگلہ دیش کو شکست دیدی

تفصیلات کے مطابق پاکستان نے پہلے ٹی20 میچ میں سنسنی خیز مقابلے  کے بعد بنگلہ دیش کو شکست دیدی ہے۔بنگلہ دیش نے پہلے کھیلتے ہوئے 127 رنز بنائے تھے۔

پاکستان کی جانب سے  فخر زمان اور خوشدل شاہ 34-34 رنز بناکر ٹاپ سکورر رہے ہیں ،  پاکستانی ٹیم نے 26 رنز پر 4 وکٹیں گرنے کے بعد شاندار کم بیک کیا۔ شاداب خان نے 21 جبکہ محمد نواز 18 رنز بنا کر ناقابل شکست رہے۔

بنگلہ دیش نے پہلے ٹی20 میچ میں  ٹاس جیت کر پاکستان کے خلاف بیٹنگ کا فیصلہ کیا تھا۔

پاکستان اور بنگلادیش کے دیگر 2 ٹی20 میچز20 اور 22 نومبر کو کھیلے جائیں گے۔ گرین شرٹس ٹی20 سیریز کے بعد دو ٹیسٹ میچ بھی کھیلیں گے۔

ٹی20 میچ کے لیے پاکستانی ٹیم کے 12 رکنی اسکواڈ کا اعلان کیا ہے۔ بابراعظم کپتان اور شاداب خان نائب کپتان ہوں گے۔ محمد رضوان، حیدرعلی، محمد نواز اسکواڈ میں شامل ہیں۔

محمد وسیم، شاہین شاہ آفریدی، خوشدل شاہ، فخر زمان، حارث رؤف بھی اسکواڈ کا حصہ ہیں۔ حسن علی اورشعیب ملک بھی میدان میں اتریں گے۔