این اے 133 ضمنی انتخاب،الیکشن کمیشن نے حتمی پولنگ اسکیم جاری کر دی

تفصیلات کے مطابق این اے 133 کے ضمنی انتخاب میں پولنگ 5دسمبر کو ہوگی،حلقہ میں 4لاکھ 40 ہزار485 ووٹرز حق رائے دہی استعمال کریں گے۔

الیکشن کمیشن کے مطابق حلقے میں خواتین ووٹرز کی تعداد2 لاکھ 6ہزار927ہے جبکہ حلقے میں مرد ووٹرز کی تعداد 2 لاکھ 33 ہزار  558 ہے۔

این اے 133میں ضمنی الیکشن کیلئےکل 254 پولنگ اسٹیشنز قائم کیے جائیں گے، 100پولنگ اسٹیشنز مردوں کے اور100پولنگ اسٹیشن خواتین کے ہیں۔ضمنی انتخاب کیلئے54مشترکہ پولنگ اسٹیشنز قائم کیے جائیں گے۔ 

این اے 133میں831پولنگ بوتھ قائم کیے جائیں گے436پولنگ بوتھ مردوں کے اور395پولنگ بوتھ خواتین کے ہوں گے۔

خیال رہے کہ این اے 133 کی سیٹ مسلم لیگ ن کے رہنما پرویز ملک کی وفات کی وجہ سے خالی ہوئی تھی 2018 کے جنرل الیکشن میں پرویز ملک پاکستان تحریک انصاف کے امیدوار اعجاز چوہدری کو شکست دے کر میمبر قومی اسمبلی منتخب ہوئے تھے۔