کرکٹ ایک کھیل ہے، جہاں اچھے اور برے دن آتے رہتے ہیں:بابر اعظم 

تفصیلات کے مطابق قومی کپتان بابر اعظم کا کہنا تھا کہ میں بنگلہ دیش ٹی ٹوئنٹٰی سیریز میں توقعات کے مطابق بیٹنگ نہیں کرسکا۔ 

ان کا کہنا تھا کہ بنگلا دیش کے خلاف تینوں میچز میں ڈھاکا کے کراؤڈ نے بھرپور اسپورٹ کیا۔ انہوں کہا کہ کورونا کے دنوں میں ہم نے اسٹیڈیم میں کراؤڈ کو بہت مس کیا ہے۔ 

بابر اعظم کا کہنا تھا کہ سال میں 17 ٹی ٹونٹی میچز میں کامیابیوں پر بہت خوشی ہے،یہ سب ٹیم کی محنت کا ثمر ہے۔

قومی کپتان کا کہنا تھا کہ جیت کے حصول کے لیے ضروری ہے کہ پہلے اپنی خامیوں کی نشاندہی کی جائے۔ 

ان کا کہنا تھا کہ ہمیں فیلڈنگ اور لوئر مڈل آرڈر میں بہتری کی ضرورت تھی،گزشتہ چند ماہ میں ہماری فیلڈنگ بہت بہتر ہوئی ہے۔ 

انہوں نے کہا ہے کہ لوئر مڈل آرڈر میں بھی میچ فنش کرنے کی عادت آرہی ہے،بحیثیت کپتان اپنے کھلاڑیوں کو صرف ان کا رول کلیئر بتاتا ہوں۔

ان کا مزید کہنا تھا کہ خوشدل شاہ، فخر زمان اور محمد نواز نے بہت اچھی کارکردگی کا مظاہرہ کیا، کوشش کریں گے ٹیسٹ میں بہتر کارکردگی کا تسلسل برقرار رکھیں۔