سمندر پار پاکستانی ہمارا سب سے بڑا اثاثہ ہیں:وزیر اعظم

تفصیلات کے مطابق وزیر اعظم کا کہنا تھا کہ پاکستانی بینکنگ چینلز کے ذریعے جو پیسہ بھیجیں گے انہیں بہت سی سہولیات دی جائیں گی۔

عمران خان کا کہنا تھا کہ اوورسیز پاکستانی روشن ڈیجیٹل کے ذریعے  سرمایہ کاری کرسکتے ہیں کیونکہ اوورسیز پاکستانی اپنا زیادہ پیسہ پلاٹس اور گھروں پر خرچ کرتے ہیں،اس لیے اوورسیز پاکستانیوں کی سب سے زیادہ سرمایہ کاری پراپرٹی میں آتی ہے۔

ان کا کہنا تھا کہ اوورسیز پاکستانیوں کو ٹیکس میں بھی چھوٹ دیں گے، 90 لاکھ پاکستانی بیرون ملک موجود ہیں اور ہم چاہتے ہیں کہ اوورسیز پاکستانی ملک میں سرمایہ کاری کریں اور ان کے لیے آسانیاں پیدا ہوں۔

وزیراعظم کا کہنا تھا کہ اوورسیز پاکستانی جتنا پیسہ بھیجیں ہم انہیں اتنی زیادہ سہولیات دیں گے اور میں چاہتا ہوں کہ زیادہ پیسہ بھینے والے اوورسیز کو ہم وی آئی پی بنا دیں۔

ان کا مزید کہنا تھا کہ ماضی میں ہم نے کبھی اپنی برآمد پر توجہ ہی نہیں دی لیکن اب حکومت برآمد میں اضافے کے لیے پوری کوشش کر رہی ہے۔