عدالت نے نسلہ ٹاور پر کشمنر کی رپورٹ غیر تسلی بخش قرار دیتے ہوئے مسترد کردی

عدالت نے حکم دیا کہ کمشنر کراچی فوری طور پر نسلہ ٹاور کو گرائے، جتنی جلدی ہوسکے ملبہ بھی ہٹائیں اور آئندہ سماعت پر رپورٹ پیش کریں 

تحریری حکم نامے کے مطابق 25 اکتوبر کو کمشنر کراچی کو ایک ہفتے میں نسلہ ٹاور گرانےکا حکم دیا گیا، کمشنر کراچی نے جان بوجھ کر عدالتی احکامات پر عمل درآمد نہیں کیا، کمشنر کراچی عدالتی احکامات پر بحث کرتے رہے۔

حکم نامے میں کہا گیا ہے کہ  عدالت میں بحث کرنے پر کمشنر کراچی کےخلاف کارروائی کی جائے گی،  عدالت نے کمشنر کراچی کو عدالتی احکامات پر عمل درآمد کا حکم دے دیا۔