نسلہ ٹاور کے باہر  متاثرین کا احتجاج، پولیس کا مظاہرین پر لاٹھی اور شیلنگ

تفصیلات کے مطابق کراچی نسلہ ٹاور کے باہر متاثرین احتجاج کر رہے ہیں ، متاثرین کی نسلہ ٹاور میں داخل ہونے کی کوشش پر پولیس نے مظاہرین پر لاٹھی چارج کردیا اور شیلنگ بھی کی گئی جبکہ نسلہ ٹاور کو جانےوالے راستے بھی بند کردیے۔

چئیرمین آباد محسن شیخانی کا کنہا ہے کہ  ہر آدمی خوفزدہ ہے کہ کیا ہماری عمارتیں ٹوٹ جائیں گی، ہمیں بتایا  جائے کس ادارے سے اجازت لیں جس کے بعد کوئی ادارہ اس کے خلاف نہ ہو ۔ہمیں  اپنے  سرمایہ کاروں کو مطمئن کرنا پڑے گا، عام آدمی کا اعتماد بحال ہونا چاہیئے،  ہم نے تمام پراجیکٹس  روک دیے ہیں ،ہمارے پاس اور کوئی راستہ نہیں ہے۔

ان کا کہنا تھا کہ جن عمارتوں کی اجازت  نامے میں کوئی غلطی ہے  تو چیک کرنا  حکومت کا کام ہے ، کراچی ،حیدرآباد اور سکھر سمیت احتجاج پورے پاکستان تک لے کر جائیں گے ۔