کورونا ویرنٹ اومیکرون سے بچاو کیلئے کل سے بوسٹر ڈوز لگانے کا آغاز  

تفصیلات کے مطابق  کورونا کی نئی قسم اومی کرون  سے بچاؤ کے لیے   کل سے بوسٹر ڈوز لگانے کا آغاز  کیا جا رہا ہے۔پہلے مرحلے میں پچاس سال سے زائد افراد کو بوسٹر ڈوز لگائی جائے گی۔ 

پہلے مرحلے میں ہیلتھ کئیر ورکرز اور کمزور قوت مدافعت والے افراد کو بوسٹر ڈوز لگائی جائے گی، کمزور قوت مدافعت کے افراد کے لیے بوسٹر ڈوز لگوانے کے لیے عمر کی کوئی قید نہیں ہے، بوسٹر ڈوز لگوانا ضروری قرار نہیں دیا گیا۔

دوسری جانب محکمہ داخلہ سندھ نے کورونا وائرس کے ایس اوپیز کے حوالے سے نیا حکمنامہ جاری کردیا ہے۔نوٹیفکیشن میں کہا گیا ہے کہ  ہوٹلز اور ریسٹورنٹس میں انڈور اور آوٹ ڈور ڈائننگ رات 12 بجے تک ویکسینیشن کرانے والے افراد کو اجازت ہوگی،  کراچی ، سکھر اور سانگھٹر میں 70 فیصد جبکہ دیگر شہروں میں 50 فیصد کی کی اجازت ہوگی،  ہوم ڈیلیوری، ٹیک اوے سروس 24 گھنٹے کی جاسکے گی۔

نوٹیفکیشن کے مطابق  شادی ہالز میں آؤٹ ڈور تقریبات کا انعقاد 1000 مہمانوں کے ساتھ کیا جاسکے گا،  شادی ہالز میں 500 مہمانوں کے ساتھ ان ڈور تقریبات کی اجازت ہوگی،  سندھ میں کاروباری اوقات کار رات 10 بجے تک ہوں گے،  پارکس یس او پیز کے ساتھ کھلے رہیں گے،  سندھ بھر کے مزارات ایس او پیز کے ساتھ کھلے رہیں گے۔

نوٹیفکیشن میں کہا گیا ہے کہ  انڈور جمز بھی ایس او پیز کے ساتھ کھلے رہیں گے،  ریلوے سروس 80 فیصد گنجائش کے ساتھ جاری رہے گی،  فیصلے کا اطلاق 15 دسمبر تک ہوگا۔