پی ایس ایل میں لاہورقلندرز کی کپتانی کا موقع ملا تو ضرور کروں گا،شاہین آفریدی

پاکستانی کرکٹ ٹیم کے باولرشاہین شاہ آفریدی نے ورچوئل پریس کانفرنس کرتے ہوئے کہا کہ  ہرفارمیٹ کو انجوائے کررہا ہوں فوکس کرکٹ پر ہے، حسن کو بھی کریڈ ٹ جاتا ہے اس کے ساتھ اچھی پارٹنرشپ ہے، حسن علی کے ساتھ باؤلنگ کرتے ہوئے اچھا لگتا ہے۔

شاہین شاہ آفریدی نے کہا کہ  پی ایس ایل میں لاہورقلندرز کی کپتانی کا موقع ملا تو ضرور کروں گا، اللہ کا شکر ہے کہ انڈر 16 لیول سے ٹیم تک آیا،  فاسٹ باؤلنگ کا شوق تو بڑے بھائی کو دیکھ کر ہی شروع ہوگیا تھا،  نہیں سوچا تھا کہ تینوں فارمیٹ میں اتنی جلدی پاکستان کی نمائندگی کروں گا، وکٹ ملنا نہ ملنا میرے ہاتھ میں نہیں،کوشش کرتا ہوں سو فی صد دوں۔

شاہین شاہ آفریدی کا کہنا تھا کہ عبداللہ شفیق اور عابد علی نے اوپننگ اچھی کی ،ہماری کوشش ہے اچھا فنش کریں اور سیریز جیتیں ، ضروری نہیں ہر میچ میں کوئی پرفارم کرے، بابر اعظم بھی یہی کہتے ہیں کہ سب اپنا سو فیصد دیں۔