نیب ٹیم آغا سراج درانی کو لیکر کراچی پہنچ گئی

تفصیلات کے مطابق نیب ٹیم آغا سراج درانی کو پی آئی اے کی پرواز PK 309 سے لیکر کراچی ایرپورٹ پہنچی۔

اسلام آباد کی احتساب عدالت نے نیب کے ہاتھوں گرفتار آغا سراج درانی کا 2 روزہ  راہداری ریمانڈ منظور کیا ہے۔

نیب کراچی کی ٹیم اسپیکر سندھ اسمبلی کو نیب کراچی ہیڈکوارٹر منتقل کرے گی۔

یاد رہے کہ اسپیکر سندھ اسمبلی آغا سراج درانی کو 3 دسمبر بروز جمعہ  نیب نے انہیں اسلام آباد میں واقع سپریم کورٹ کی عمارت کے باہر سے گرفتار کیا تھا۔

رواں برس اکتوبر میں سندھ ہائیکورٹ نے اثاثہ جات کیس میں آغا سراج درانی کی ضمانت مسترد کردی تھی، جس کے بعد آغا سراج درانی روپوش ہو گئے تھے۔

سندھ ہائیکورٹ سے ضمانت مسترد ہونے کے بعد آغا سراج درانی نے سپریم کورٹ جانے کا فیصلہ کیا تھا۔