اسکول بس کو حادثہ : دو طالبات ، ایک ٹیچر جاں بحق ، 25 سے زائد زخمی

تفصیلات کے مطابق  لاہور سے مری جانے والے اسکول طلبہ پر قیامت ٹوٹ پڑی، جی ٹی روڈ پر دینہ کے قریب اسکول بس کو حادثہ ،حادثے میں  دو طالبات اور ایک ٹیچر جاں بحق جبکہ 25 سے زائد افراد زخمی ہوگئے ہیں۔

ریسکیو کے مطابق نجی اسکول کی بس جس میں طلبہ اور اساتذہ سوار تھے ، لاہور سے مری جارہے تھے کہ اسکول بس بے قابو ہوکر ریلوے لائن پر جاگری۔امدادی ٹیموں نے حادثے کی اطلاع ملتے ہی جائے حادثہ پہنچ کر لاشوں و زخمیوں کو نکال کر ڈسٹرکٹ ہیڈکوارٹرز اسپتال منتقل کیا،زخمیوں میں سے کئی کی حالت نازک ہے۔

وزیر اعلی پنجاب سردار عثمان بزدار نے  دینہ میں اسکول بس حادثے پر دکھ اور افسوس کا اظہار کیا ہے اور انتظامیہ کو ہدایت جاری کی ہیں کہ  زخمیوں کو علاج معالجےکی بہترین سہولتیں فراہم کی جائیں۔