چنیوٹ: اسسٹنٹ کمشنر جھنگ عمران جعفر  قاتلانہ حملے میں جاں بحق

تفصیلات کے مطابق  چنیوٹ میں اسسٹنٹ کمشنر جھنگ عمران جعفر  قاتلانہ حملے میں جاں بحق ہوگئے ،پولیس ذرائع کے مطابق عمران جعفر آبائی گاؤں  لنگرانہ میں آئے ہوئے تھے ۔عمران جعفر کو مبینہ طور پر رشتہ داروں نے فائرنگ کر کے قتل کیا۔

پولیس ذرائع کا کہنا ہے کہ  مقتول اسسٹنٹ کمشنر کا اپنے چچا زاد بھائیوں کیساتھ تنازعہ چل رہا تھا، عمران جعفر کو مبینہ طور پر رشتہ داروں نے فائرنگ کر کے قتل کیا۔

ذرائع کے مطابق  لاش ٹی ایچ کیو بھوانہ منتقل کردی گئی ہے، پولیس کی بھاری نفری موقع پر موجود ہے اور مزید کاروائی کی جا رہی ہے۔

آئی جی پنجاب راؤ سردار علی خان نے اسسٹنٹ کمشنر جھنگ عمران جعفر کا آبائی گاؤں( ضلع چنیوٹ کے علاقہ) میں قتل کے واقعہ کا نوٹس  لے لیا۔ آئی جی پنجاب نے آر پی او فیصل آباد سے واقعہ کی رپورٹ طلب کرلی ہے۔

آئی جی پنجاب نے  ڈی پی او چنیوٹ کو موقع پر پہنچنے کا حکم  دیتے ہوئے کہا ہے کہ ملزمان کو جلد از جلد گرفتار کرکے سخت قانونی کاروائی عمل میں لائی جائے ۔