پاکستان

تین وقت کی گیس

3 سال پہلے 16 نومبر 2021 - 03:31 شام

پر شائع ہوا

سید محمود شیرازی

کی طرف سے

سید محمود شیرازی

وفاقی وزیر برائے توانائی حماد اظہر کہتے ہیں کہ سردیوں میں گیس صرف تین وقت صبح، دوپہراور شام کے اوقات میں ملا کرے گی یعنی صبح کا ناشتہ تیار کرنے کیلئے، دوپہر کا کھانا کھانے اور رات کا عشائیہ تیار کرنے کیلئے گیس چولہوں میں آئے گی اس کے علاوہ اوقات میں گیس بند کر دی جائے گی۔ یہ تو ہو گئے تین اوقات کہ جن کے درمیان گیس آئے گی لیکن اگر کسی گھر میں کوئی مہمان آ گیا یا کسی کو گیس کی ایمرجنسی ضرورت پڑ گئی تو اس کو چاہئے اپنا بندوبست خودکرے ہر کام حکومت پر ڈالنا اچھی عادت نہیں ہے۔اگر حما د اظہر صاحب کی بات پر عمل ہو گیا تو پھر مہمانوں کو بھی خیال کرنا ہو گا کہ کسی کے ہاں جانا ہے تو طے شدہ اوقات میں ہی جانا ہے (طے شدہ اوقات سے مراد گیس کے اوقات ہیں)اس کے علاوہ کسی کے گھر جا کر انہیں بے وقت پریشان نہیں کرنا۔ اگر اسی طرح تین وقت گیس آنے لگی تو یقینا پوری قوم صبح جلدی اٹھنے کی عادی ہو جائے گی اور لوگ ناشتے کیلئے جلدی جلدی اٹھیں گے تو ان کا دل نماز پڑھنے کو بھی کرے گا(غیر مسلم اپنے حساب سے جو بھی ان کا معمول ہے صبح اٹھ کر وہ کام کر سکتے ہیں)،پھر نماز پڑھ کر بندے کا دل چہل قدمی کرنے کو بھی کرے گا اس طرح صبح صبح اٹھنے سے ایک تو قوم صحت مندہو گی اور دوسرا تازہ ناشتہ کرنے سے اعضا بھی قوی ہوں گے تو اس طرح مضبوط قوم کی آبیاری ہو گی۔

لاہور شہر میں تو اکثر لوگ رات دیر گئے جاگنے اور پھر لیٹ اٹھنے کے عادی ہیں اس طرح اگر سب لوگ گیس حاصل کرنے کے چکر میں جلدی اٹھیں گے تو پھر سوئیں گے بھی جلدی تو یقینا اس سے وقت کی بھی بچت ہو گی اور لوگ اپنے گھر والوں کو ٹائم بھی دے پائیں گے اور لڑکوں کی آوارہ گردیاں بھی ختم ہو جائیں گی۔ویسے بھی ہم اپنے بچپن میں پڑھتے آئیں ہیں کہ صبح سویرے کی سیر صحت کیلئے بہت مفید ہوتی ہے اس سے انسان سارا دن چاک و چوبند رہتا ہے اور صبح سویرے کی سیر کا مضمون تو ہمارے کورس میں بھی شامل ہوتا تھا پتہ نہیں اب وہ ہے یا نہیں لیکن تین وقت کی گیس کرنے سے ہو سکتا ہے ناشر حضرات اسے دوبارہ کورس میں شامل کرا دیں تا کہ جو لوگ گیس تین وقت ملنے کے باوجود خواب و خرگوش کے مزے لے رہے ہیں انہیں احساس دلایا جائے کہ حکومت نے ان کیلئے کتنا اچھا احساس گیس پروگرام شروع کیا ہے جس پر عمل کر کے وہ اپنی زندگی کو خوبصورت بنا سکتے ہیں۔ویسے بھی دیہاتی زندگی اور معمول کا خاتمہ ہوتا جا رہا تھا اور شہری زندگی اور معمول بڑھتے جا رہے تھے۔شہریت یعنی شہری معمول اس حد تک بڑھ چکے ہیں کہ اوقات کا اندازہ ہی نہیں ہو پاتا کب دن چڑھا اور کب رات ہوئی کچھ پتہ نہیں چلتا لوگ اپنی مڑضی سے اٹھتے ہیں اور اپنی مرضی سے سوتے ہیں چلو تین وقت گیس کرنے سے کم از کم یہ تو ہو گا لوگ وقت پر اٹھیں گے اور ناشتہ کر کے اپنا کام کام ج کریں گے (البتہ جو لوگ جلدی اٹھ کر گرم ناشتہ کر کے پھر سو گئے انہیں اس تین وقت کی گیس کا کوئی خاص فائدہ نہیں پہنچنے والا)۔

ہم بچپن میں سنتے آئے تھے کہ تین وقت کی روٹی پوری کرنا ہی بندہ مزدور کے اوقات ہیں یاں اپنے بڑوں سے سنتے تھے کہ جو حالات ہیں تین وقت کی روٹی پوری کر لیں بڑی بات ہے اب یقینا تین وقت کی گیس ہونے سے ہماری بول چال اور روزمرہ کے استعمال کے جملوں میں بھی فرق پڑے گا۔ ہو سکتا ہے تین وقت کا محاورہ جب امتحان میں آئے تو طلبہ حضرات اس کے محاورے یوں مکمل کریں کہ تحریک انصاف کی حکومت میں تین وقت کی گیس مل جائے بڑی بات ہے۔ یا تین وقت کی گیس انسان کی صحت کیلئے انتہائی مفید ہے اس طرح کے جملے زبان زد عام ہو جائیں۔ جیسے ایک محاورہ ہے کہ بندر کیا جانے ادرک کا سواد تو یار لوگ اسے یوں بھی ادا کر سکتے ہیں کہ غافل کیا جانے تین وقت گیس کی قیمت یعنی جو غافل رہا تو وہ گیس حاصل کرنے سے محروم ہو گیا اور جو گیس حاصل کرنے سے محروم ہوا اے کھانا بھی نہیں ملے گا اور جسے کھانا نہیں ملے گا اس کی صحت بھی نہیں بنے گی اور جس کی صحت نہیں بنے گی وہ ملک و قوم کی ترقی میں اپنا کردار کیسے ادا کرے گا۔

چند روز قبل علی امین گنڈا پور صاحب نے نو دانے چینی اور نو نوالے روٹی کے کم کھانے کی جو اصلاح دی تھی اب وہ بھی اس تین وقت کی گیس کے آگے ہیج پڑتی دکھائی دیتی ہے۔ ویسے تحریک انصاف کی حکومت میں ہمیں نئی جہتیں سیکھنے کو مل رہی ہیں جیسے خیبر پختونخوا کے وزیر مشتاق غنی نے کہا تھا کہ معاشی حالات مشکل ہیں تو لوگ دو کی بجائے ایک روٹی کھائیں۔ جس طرح کے معاشی حالات چل رہے ہیں ہو سکتا ہے کل کو یہ مشورہ یا تجویز بھی سامنے آ جائے کہ ایک وقت میں دو نوالے ایک انسان کیلئے کافی ہوں گے۔ویسے بھی جس طرح سردیوں میں گیس تین وقت آنی ہے تو میرے خیال میں یہ بھی بہت بڑی عیاشی ہے اور حکومت وقت کو اس پرمزید غور وحوض کرنا چاہئے کہ تین وقت کی بجائے ایک وقت کی ہی گیس کر دی جائے تا کہ لوگ تین وقت کا کھانا ایک وقت میں پکا کر اپنا وقت بھی بچائیں اور حکومت کو کیلئے بھی آسانی پیدا کریں جو پہلے ہی معاشی مشکلات میں گھری ہوئی ہے۔

اگلی خبر

گلگت بلتستان حکومت: عشق کا پہلا باب

مس نہ کریں

حکومت، اپوزیشن اور عوام!!

سید محمود شیرازی

سید محمود شیرازی جی این این میں پروڈیوسر ہیں

پڑھنا جاری رکھیں

صحت

ملک میں پولیو کے مزید تین کیسز رپورٹ، تعداد 55 ہوگئی

پولیو کیسز ڈیرہ اسماعیل خان، ژوب اور جعفر آباد سے رپورٹ ہوئے، قومی ادارہ صحت

4 گھنٹے پہلے 24 نومبر 2024 - 02:26 شام

پر شائع ہوا

Nouman Haider

کی طرف سے

ملک میں پولیو کے مزید تین کیسز سامنے آنے کے بعد پولیو کیسز کی تعداد 55 ہوگئی ہے۔

قومی ادارہ صحت کی ریجنل لیبارٹری نے بھی تین پولیو کیسز کی تصدیق کر دی جس کے مطابق پولیو کیسز ڈیرہ اسماعیل خان، ژوب اور جعفر آباد سے رپورٹ ہوئے۔

خیبر پختوںخوا کے ضلع ڈیرہ اسماعیل خان سے بچی پولیو کا شکار ہوئی اور بلوچستان کے ضلع ژوپ میں بھی ایک لڑکی پولیو سے معذور ہوگئی جبکہ ضلع جعفر آباد میں ایک لڑکا پولیو کا شکار ہوا۔

ڈیرہ اسماعیل خان میں پولیو کا چھٹا کیس سامنے آیا ہے۔ بلوچستان میں پولیو کیسز کی تعداد 26 اور خیبر پختونخوا میں 14 ہوگئی۔

سندھ میں 13 پولیو کیسز رپورٹ ہوچکے جبکہ پنجاب اور اسلام آباد میں ایک ایک پولیو کیس سامنے آیا ہے۔

پڑھنا جاری رکھیں

پاکستان

کسی بھی پرتشدد احتجاج کا سخت جواب دیا جائے ، وزیر دفاع

پی ٹی آئی کے پر تشدد احتجاج سے ریاست بلیک میل نہیں ہوگی۔انہوں نے کہا کہ حکومت کسی بھی طرح کی غیر قانونی سرگرمیوں کے خلاف سخت کارروائی کرے گی

ایک گھنٹہ پہلے 24 نومبر 2024 - 05:23 شام

پر شائع ہوا

Web Desk

کی طرف سے

وزیر دفاع خواجہ محمد آصف نے پی ٹی آئی کو خبردار کیا ہےکہ کسی بھی پرتشدد احتجاج کا سخت جواب دیا جائے گااور اسلام آباد میں امن و امان کو ہر صورت یقینی بنایا جائے گا ۔اتوار کو اپنے ایک انٹرویو میں وزیر دفاع نے اس بات پر زور دیا کہ ریاست کسی بھی غیر قانونی ہجوم کو اسلام آباد پر حملہ کرنے کی اجازت نہیں دے گی۔

خواجہ آصف نے زور دیا ہے کہ دارالحکومت میں امن و امان کو ہر صورت یقینی بنایا جائے گا۔ انہوں نے پی ٹی آئی پر الزام لگایا کہ وہ ریاستی اداروں پر حملے کے لیے معصوم لوگوں کو استعمال کرتی ہے۔

خواجہ محمد آصف نے کہا کہ حکومت اسلام آباد میں امن و امان میں خلل ڈالنے والے افراد کے خلاف سخت رویہ اختیار کرے گی۔ انہوں نے مزید کہا کہ حکومت کی جانب سے پرتشدد ہجوم کے لیے زیرو ٹالرنس کی وارننگ کے ساتھ اسلام آباد کو ہائی الرٹ پر رکھا گیا ہے ۔

پی ٹی آئی کے پر تشدد احتجاج سے ریاست بلیک میل نہیں ہوگی۔انہوں نے کہا کہ حکومت کسی بھی طرح کی غیر قانونی سرگرمیوں کے خلاف سخت کارروائی کرے گی اور پی ٹی آئی کو ریاستی اداروں پر حملے کے لیے معصوم لوگوں کو استعمال کرنے کی ہر گز اجازت نہیں دی جائے گی ۔

وزیر دفاع نے اس بات پر مایوسی کا اظہار کیا کہ جب بھی کسی ملک کے اعلی حکام اور وفود پاکستان آنے کا اعلان کرتے ہیں تو تحریک انصاف احتجاج کرتی ہے، علی امین خان گنڈا پور کو صوبے میں امن و امان کی صورتحال کو بہتر بنانے پر توجہ دینی چاہیے۔وزیر دفاع خواجہ آصف نے کہا کہ حکومت اور عسکری قیادت دونوں مل کر ملک کو آگے بڑھا رہے ہیں، ہم کسی بھی پرتشدد ہجوم کو کسی بھی حالت میں اسلام آباد پر حملے کی اجازت نہیں دیں گے۔انہوں نے امن و امان برقرار رکھنے پر حکومت کے مضبوط موقف کا اعادہ بھی کیا۔

پڑھنا جاری رکھیں

تجارت

غیر ملکی سرمایہ کاری میں اضافہ ، سٹاک ایکسچینج میں مسلسل تیزی

مالی سال 2025 کے ابتدائی 4 ماہ میں قالینوں کی برآمدات میں 11.49 فیصد کمی ، کھیلوں کے سامان کی برآمدات میں بھی 0.96 فیصد کمی ہوئی

ایک گھنٹہ پہلے 24 نومبر 2024 - 04:58 شام

پر شائع ہوا

Web Desk

کی طرف سے

پاکستان کی معیشت میں بہتری آنے لگی ،غیر ملکی سرمایہ کاری میں اضافہ ہوا تو سٹاک ایکسچینج میں مسلسل تیزی دیکھنے کو مل رہی ہے.

رواں مالی سال کے ابتدائی 4 ماہ کے دوران غیر ٹیکسٹائل مصنوعات کی برآمدات میں 17.66 فیصد اضافہ ریکارڈ کیا گیا ہے، اس اضافے سے ان برآمدات کا حجم 4.73 ارب ڈالر کی سطح پر جا پہنچا ہے جو اس سے قبل گزشتہ مالی سال کے اسی عرصے میں 4.02 ارب ڈالر ریکارڈ کیا گیا تھا۔

انگریزی اخبار کی رپورٹ کے مطابق ادارہ شماریات پاکستان کے اعداد و شمار سے معلوم ہوا ہے کہ جولائی تا اکتوبر مالی سال 2025 میں گزشتہ مالی سال کے اسی عرصے کے مقابلے میں غیر ٹیکسٹائل مصنوعات کی برآمدات میں اضافے کا اہم عنصر کھانے پینے کی خام اشیا کا تھا، اس کے علاوہ چمڑے، فٹ ویئرز اور انجیئرنگ سے متعلق ویلیو ایڈڈ مصنوعات بھی برآمد کی گئیں۔ خیال رہے کہ مالی سال 2024 میں غیر ٹیکسٹائل مصنوعات کی برآمدات 24.95 فیصد بڑھ کر 14.02 ارب ڈالر تک جاپہنچی تھیں جو کہ اس سے گزشتہ مالی سال میں 11.22 ارب ڈالر کی سطح پر تھیں۔

قیمتوں میں20لاکھ تک کمی رواں مالی سال کے ابتدائی 4 ماہ کے دوران گزشتہ مالی سال کے اسی عرصے کی نسبت 30.79 فیصد اضافہ دیکھا گیا ہے، سیمنٹ کی برآمدات میں 12.39 فیصد اضافہ دیکھ گیا، اس کے علاوہ صنعتی مشینری ، ٹرانسپورٹ آلات ، آٹو پارٹس اور ربڑ کے ٹائرز کی ایکسپورٹ بھی بڑھی ہے،اسی عرصے میں سیمنٹ کی برآمدات میں 18.68 فیصد اضافہ ریکارڈ کیا گیا، اس کے مقابلے میں مالی سال 2025 میں جولائی تا اکتوبر فٹ ویئرز کی برآمدات میں 4.89 فیصد اور چمڑے کے دستانوں کی برآمدات میں سال بہ سال کی بنیاد پر 16.55 فیصد اضافہ ہوا جب کہ چمڑے کے ملبوسات کی برآمدات میں بھی کمی دیکھی گئی اور زیر جائزہ مدت کے دوران خام چمڑے کی برآمدات میں 4.94 فیصد اضافہ ہوا۔

مالی سال 2025 کے ابتدائی 4 ماہ میں قالینوں کی برآمدات میں 11.49 فیصد کمی ، کھیلوں کے سامان کی برآمدات میں بھی 0.96 فیصد کمی ہوئی جبکہ گڑ سے بنائی جانے والی مصنوعات (جنہیں فوڈ کیٹیگری کی درجہ بندی میں شامل نہیں کیا گیا ہے) کی برآمدات میں گزشتہ مالی سال قبل کے مقابلے میں 30.05 فیصد کی کمی دیکھی گئی۔

جیولری آئٹمز کی برآمدات میں 111.19 فیصد کا اضافہ ہوا، ان میں جیمز کی ایکسپورٹ 7.79 فیصد بڑھی،اس کے علاوہ گڑ کی ایکسپورٹ میں 100 فیصد اضافہ ہوا، فرنیچر کی برآمدات میں 21.98 فیصد جب کہ ہینڈی کرافٹس ( دست کاری) آئٹمز کی برآمدات میں 38.90 فیصد کمی ریکارڈ کی گئی۔

پڑھنا جاری رکھیں