شاہ رخ جتوئی کے آٹھ ماہ نجی اسپتال میں قیام کے دوران کمرے میں کیا کیا آسائشیں تھی

 شاہ رخ جتوئی کے کمرے میں کیا کیا آسائشیں تھی تفصیلات جی این این  نے حاصل کرلیں۔ شاہ رخ جتوئی اسپتال کے پہلے فلور کے کمرہ نمبر 105 میں میں رہائش پزیر تھا ، کمرے میں سیون سیٹر صوفہ , پیشینٹ بیڈ ، ائیر کنڈیشنر موجود تھا 

کمرے میں تاش  ،لوڈو بھی سہولت موجود تھی ، شاہ رخ جتوئی اسپتال سے شفٹ ہونے کے بعد اسپتال میں ان کے کمرے سے کئی چیزیں بھی اٹھالی گئیں۔

ایڈمنسٹریٹر اسپتال معین ہمدانی کا کہنا ہے کہ شاہ رخ جتوئی سے ملنے دوست احباب اسپتال آتے تھے ، شاہ رخ جتوئی سات سے آٹھ ماہ اس اسپتال کی پہلی منزل کے کمرے میں مقیم تھے ، شاہ رخ جتوئی کے لیئے تین وقت کا کھانا گھر سے لایا جاتا تھا ، ۔انہوں نے مزید کہا کہ شاہ رخ جتوئی کے ساتھ پولیس اہلکار موجود تھے اسپتال کا عملہ کیسے روک سکتا تھا ،  شاہ رخ جتوئی کو تمام سرکاری کاغزات کا جائزہ لینے کے بعد رکھا گیا تھا ، شاہ رخ جتوئی کو داخل کرنے کے لیئے آئی جی جیل خانہ جات ، محکمہ صحت ، اور محکمہ داخلہ کے لیٹرز تھے ،  شاہ رخ جتوئی آج صبح دس بجے اسپتال سے ڈسچارج کر دیئے گئے ۔