جاگیردارا نہ سوچ کے حامل لوگوں نے بلدیاتی قانون منظور کیا: مصطفیٰ کمال

تفصیلات کے مطابق جماعت اسلامی کے زیر اہتمام کراچی میں منعقدہ احتجاجی دھرنے سے خطاب کرتے ہوئے مصطفیٰ کمال نے کہا ہے کہ کراچی سے جینےکا حق چھینا جا رہا ہے، اگر یہ سلسلہ جاری رہا تو گلی کوچوں میں ان کے لیے چھپنے کی جگہ بھی نہیں ملے گی۔

سندھ اسمبلی بلڈنگ کے باہر منعقدہ جماعت اسلامی کے احتجاجی دھرنے میں چیئرمین پی ایس پی مصطفیٰ کمال کی آمد پر امیر جماعت اسلامی کراچی حافظ نعیم الرحمان سے ملاقات ہوئی جس میں صورتحال پر تبادلہ خیال کیا گیا۔

مصطفیٰ کمال نے خطاب کرتے ہوئے شرکائے دھرنا کو خراج تحسین پیش کیا اور کہا کہ جاگیردارا نہ سوچ کے حامل لوگوں نے بلدیاتی قانون منظور کیا۔

یادرہے کہ جماعت اسلامی کے زیر اہتمام بلدیاتی بل کے خلاف گزشتہ گیارہ دنوں سے احتجاجی دھرنا جاری ہے۔ 

خیال رہے کہ پاکستان پیپلزپارٹی کا بھی ایک وفد گزشتہ روز جماعت اسلامی کے دھرنے میں پہنچا تھا جہاں سید ناصر حسین شاہ، سید وقار مہدی اور بیرسٹر مرتضیٰ وہاب کے بلدیاتی بل پر مذاکرات ہوئے تھے۔