سی ٹی ڈی کی کارروائی،دوران واردات پولیس اہلکاروں پر فائرنگ کرنے والا مرکزی ملزم گرفتار

تفصیلات کے مطابق  اسلام آباد پولیس کے تھانہ سی ٹی ڈی  نے کارروائی کی ہے،کارروائی کے دوران  گن پوائنٹ پر گاڑی چھیننے کی واردات کے دوران پولیس اہلکاروں پر فائرنگ کرنے والا مرکزی ملزم عدنان عزیز گرفتار کرلیا گیا، ملزم نے  15 جنوری کو کھنہ سروس روڈ پر ایک ٹیکسی چھیننے کی کوشش کی تھی۔

پولیس پارٹی کے بروقت ریسپانس سے ملزم فائرنگ کرتے ہوئے فرار ہوگیا تھا۔ ملزم کی فائرنگ سے ایک پولیس اہلکار پرویز انور زخمی ہوگیا تھا۔ ملزم اپنے ساتھی کے ہمراہ چن پیر بادشاہ دربار کے ملحقہ قبرستان میں موجود تھا۔

تھانہ سی ٹی ڈی پولیس نے ملزمان کو تکنیکی بنیادوں پر ٹریس کرکے چھاپہ مارا،  چھاپے کے دوران ملزمان نے پولیس پارٹی کو دیکھتے ہی فائرنگ کردی۔ فائرنگ کے تبادلے میں ایک زخمی ملزم گرفتار، ایک فرار ہوگیا، فرار ہونے والے ملزم کی گرفتاری کے لئے چھاپے مارے جارہے ہیں۔ ملزمان کے خلاف مقدمہ درج کرلیا گیا ہے، مزید تفتیش جاری ہے۔